استانادا زاڭسىز ينتەرنەت-كازينولاردىڭ جۇمىسىنا جاعداي جاساعان بٸر توپ ادامعا قاتىستى تەرگەۋ اياقتالدى, دەپ حابارلايدى ult.kz.
قارجىلىق مونيتورينگ اگەنتتٸگٸنٸڭ مەلٸمەتٸنشە, كٷدٸكتٸلەردٸڭ قاتارىندا بانك سالاسىنىڭ ٶكٸلدەرٸ دە بار.
زاڭسىز ويىن بيزنەسٸ «Nomadgames», «Sultangames» ينتەرنەت-سايتتارى جەنە ولاردىڭ كٶشٸرمەلەرٸ ارقىلى جٷرگٸزٸلگەن. ويىنشىلاردان اقشا قابىلداۋ ٷشٸن تٶلەم ۇيىمدارى, بانك ەكۆايرينگٸ, POS-تەرمينالدار, ينتەرنەت-تەرمينالدار, ەلەكتروندىق ەميياندار مەن كريپتوۆاليۋتا قۇرالدارىن قامتيتىن كٶپساتىلى جٷيە پايدالانىلعان.
قارجىلىق مونيتورينگ اگەنتتٸگٸنٸڭ حابارلاۋىنشا, بانك سالاسىنىڭ ٶكٸلدەرٸ زاڭسىز ينتەرنەت-كازينولاردى تٶلەم ينفراقۇرىلىمىنا قوسىپ, تيٸستٸ تەكسەرۋلەر جٷرگٸزبەي-اق كەلٸسٸمشارتتار جاساعان. سونداي-اق ينتەرنەت-تەرمينالدارعا تيٸستٸ MCC-كودتار بەرٸلگەن.
قارجى وپەراتسييالارىنىڭ ناقتى ماقساتىن جاسىرۋ ٷشٸن تٶلەمدەر زاڭدى بۋكمەكەرلٸك جەنە ٶزگە دە كەسٸپكەرلٸك قىزمەت اياسىندا جٷرگٸزٸلگەندەي كٶرسەتٸلگەن.
نەتيجەسٸندە ەلەكتروندىق تەرمينالدار ارقىلى 188 ملرد تەڭگەدەن استام قاراجات اينالىمعا تٷسكەن.
تەرگەۋ ماتەريالدارىنا سەيكەس, زاڭسىز ويىن بيزنەسٸنٸڭ جۇمىس ٸستەۋٸنە قارجى وپەراتسييالارىن جٷرگٸزەتٸن ينفراقۇرىلىم دا پايدالانىلعان. قازٸرگٸ ۋاقىتتا ٸس بويىنشا تەرگەۋ اياقتالعانى حابارلاندى.
