قازاقستاندا بالالاردىڭ قۇقىقتارىن قورعاۋعا ارنالعان تسيفرلىق تەتٸكتەر حالىقارالىق دەلەگاتسييا ٶكٸلدەرٸنٸڭ قىزىعۋشىلىعىن تۋدىردى. فينلياندييا, جاپونييا, قىرعىزستان جەنە ٶزبەكستاننىڭ بالا قۇقىقتارى جٶنٸندەگٸ ۋەكٸلدەرٸ, سونداي-اق بۇۇ مەن يۋنيسەف ٶكٸلدەرٸ «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ 111 بايلانىس ورتالىعىنىڭ جۇمىسىمەن تانىستى, دەپ حابارلايدى ult.kz.
كەزدەسۋ قر پارلامەنتٸ مەجٸلٸسٸ تٶراعاسىنىڭ ورىنباسارى دينارا زەكيەۆانىڭ شاقىرۋىمەن ٶتكەن «بالالار ٷنٸ: ۇلتتىق ستراتەگييالار جەنە قاۋٸپسٸز تسيفرلىق ورتا» اتتى ٸٸ حالىقارالىق فورۋم اياسىندا ۇيىمداستىرىلدى.
شەتەلدٸك قوناقتارعا بايلانىس ورتالىعىنىڭ جۇمىسى, بالالاردان كەلٸپ تٷسكەن ٶتٸنٸشتەردٸ قابىلداۋ جەنە جەدەل ٶڭدەۋ تەرتٸبٸ تانىستىرىلدى. ەسٸرەسە, بۋللينگ, زورلىق-زومبىلىق جەنە باسقا دا قۇقىق بۇزۋشىلىقتار تۋرالى حابارلاۋعا مٷمكٸندٸك بەرەتٸن QR-ارناعا ەرەكشە نازار اۋدارىلدى.
قازاقستاندا 2024 جىلدىڭ سوڭىندا ٸسكە قوسىلعان بۇل تسيفرلىق قۇرال بالا قۇقىقتارى جٶنٸندەگٸ ۋەكٸلدٸڭ قولداۋىمەن ەلٸمٸزدەگٸ بارلىق بٸلٸم بەرۋ ۇيىمدارىنا ەنگٸزٸلگەن.
QR-كودتى سكانەرلەگەن بالا ارنايى چاتقا ٶتٸپ, ٶز مەسەلەسٸن ماماندارعا جەتكٸزە الادى. سونىمەن قاتار وعان پسيحولوگييالىق جەنە قۇقىقتىق كٶمەك كٶرسەتٸلەدٸ. ەگەر ٶتٸنٸشتە بالانىڭ ٶمٸرٸ مەن دەنساۋلىعىنا نەمەسە قاۋٸپسٸزدٸگٸنە تٶنگەن قاتەر تۋرالى اقپارات بولسا, ول تيٸستٸ مەملەكەتتٸك ورگاندارعا, سونىڭ ٸشٸندە قۇقىق قورعاۋ ورگاندارىنا جولدانادى.
2026 جىلدىڭ العاشقى توعىز ايىندا 111 بايلانىس ورتالىعىنا بالالاردان 51 مىڭنان استام ٶتٸنٸش تٷسكەن. ونىڭ 48 مىڭنان استامى QR-ارنا ارقىلى, ال 3 مىڭنان استامى تەلەفون قوڭىراۋلارى ارقىلى قابىلدانعان.
«111 – وتباسى مەسەلەلەرٸ, ەيەلدەر مەن بالالاردىڭ قۇقىقتارىن قورعاۋ بويىنشا كٶمەك كٶرسەتەتٸن بايلانىس ارناسى. بايلانىس ورتالىعىنىڭ قىزمەتٸ 2023 جىلى مەملەكەتتٸك كورپوراتسيياعا بەرٸلدٸ. سودان بەرٸ ورتالىق ماماندارى 552 مىڭنان استام ٶتٸنٸش قابىلدادى. ونىڭ 193 مىڭنان استامى تٸكەلەي بالالاردان كەلٸپ تٷستٸ», – دەدٸ «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ باسقارما تٶراعاسى ارمان كەنجەعاليەۆ.
حالىقارالىق دەلەگاتسييا مٷشەلەرٸ ورتالىقتىڭ جۇمىس تەجٸريبەسٸمەن تانىسىپ قانا قويماي, مۇنداي تسيفرلىق تەتٸكتەردٸ ٶز ەلدەرٸندە ەنگٸزۋ مٷمكٸندٸكتەرٸن دە تالقىلادى.
ساپار بارىسىندا شەتەلدٸك قوناقتار مەملەكەتتٸك كورپوراتسييانىڭ احۋالدىق ورتالىعى مەن ەلورداداعى حالىققا قىزمەت كٶرسەتۋ ورتالىعىنا دا باردى. احۋالدىق ورتالىقتا دەرەكتەردٸ تالداۋ, جۇمىس پروتسەستەرٸن باقىلاۋ جەنە قۇرىلىمدىق بٶلٸمشەلەردٸڭ قىزمەتٸن ٷيلەستٸرۋ جٷيەسٸ كٶرسەتٸلدٸ. ال حقكو-دا مەملەكەتتٸك قىزمەتتەردٸ الۋدى جەڭٸلدەتۋگە ارنالعان تسيفرلىق شەشٸمدەر تانىستىرىلدى.
وسىلايشا, حالىقارالىق دەلەگاتسييا قازاقستاننىڭ بالالار قۇقىعىن قورعاۋ سالاسىندا تسيفرلىق تەحنولوگييالاردى قولدانۋ تەجٸريبەسٸن جەنە مەملەكەتتٸك قىزمەت كٶرسەتۋ جٷيەسٸندەگٸ جاڭاشىلدىقتاردى زەردەلەدٸ.
