Shymkent áýejaiynda Ózbekstan azamattary Túrkiiaǵa 227,8 mln teńgeniń altynyn zańsyz alyp ótpek bolǵan. Olar salmaǵy 2,8 kelige jýyq baǵaly metaldy shabadannyń ishki astaryna jasyryp, kedendik baqylaýdan ótkizýdi kózdegen, dep habarlaidy ult.kz.
Bas kólik prokýratýrasynyń málimetinshe, shetel azamattary altyndy kedendik tekserýden jasyrý úshin onyń bólshekterin shabadandardyń ishki astaryna jáne júk qaptamalaryna jaqqan.
Alaida zańsyz áreket áshkerelenip, jalpy quny 227,8 mln teńge bolatyn 2,8 kelige jýyq altyn memleket paidasyna tárkilendi.
«Sot úkimi shyqqanǵa deiin quny 227,8 mln teńgeni quraityn 2,8 kelige jýyq altyn memleket paidasyna tárkilendi. Bul sheshim Bas kólik prokýratýrasynyń ótinishhattary negizinde qabyldandy», – dep habarlady prokýratýra.
Qazirgi ýaqytta Ózbekstan azamattaryna halyqaralyq izdeý jariialanǵan. Atalǵan derek boiynsha sotqa deiingi tergep-tekserý amaldary jalǵasyp jatyr.
Aita keteiik, buǵan deiin Almaty áýejaiynda Antaliaǵa 3,1 keli altyn quimasyn zańsyz alyp ótpek bolǵan azamattar sottalǵan edi. Quny 68 mln teńge bolatyn altyn memleket kirisine ainaldyrylǵan.
