Almatynyń Naýryzbai aýdanynda esirtkiniń iri partiiasyn tasymaldady degen kúdikpen 25 jastaǵy er adam ustaldy. Onyń kóliginen 1 keliden astam sintetikalyq esirtkige uqsas zat, al úiinen taǵy bir kelige jýyq untaq tárkilengen, dep habarlaidy ult.kz.
Almaty qalasynyń Politsiia departamentiniń málimetinshe, politsiia qyzmetkerleri túngi tekserý kezinde kúdiktiniń kóliginen skotchpen oralǵan 30 túiinshek salynǵan sómkeni tapqan. Túiinshekterdiń ishinen aq tústi untaq shyqqan.
Kúdiktiniń úiin tintý barysynda shamamen bir keli untaq tárizdi zat jáne jalpy salmaǵy 50 gramǵa jýyq ósimdik tektes zat salynǵan eki túiinshek tárkilendi. Politsiia málimetinshe, mamandar sońǵy zattyń gashish bolýy múmkin ekenin boljaǵan.
Tergeý derekterine sáikes, 25 jastaǵy er adam esirtki taratý jelisinde kýrer bolǵan. Ol messendjer arqyly jasyrylǵan esirtki oryndarynyń koordinattaryn alyp, kórsetilgen jerlerge zattardy jetkizgeni úshin aqy alǵan.
Atalǵan derek boiynsha qylmystyq is qozǵaldy. Qazir tergeý amaldary júrgizilip jatyr.
