30 qazanda Qazaqstannyń birqatar óńirinde jaýyn-shashyn, kóktaiǵaq, tuman jáne qatty jel kútiledi. Sonymen qatar birneshe oblys pen qalada joǵary jáne tótenshe órt qaýpi saqtalady. Bul týraly «Qazgidromet» RMK málimdedi, dep habarlaidy ult.kz.
Shyǵys Qazaqstan oblysynda jańbyr men qar jaýyp, soltústigi men taýly aýdandarynda kei ýaqytta qatty jaýyn-shashyn bolady. Kóktaiǵaq kútiledi. Túnde jáne tańerteń oblystyń soltústigi men shyǵysynda tuman túsedi. Jeldiń ekpini 15-20 m/s-qa deiin jetedi.
Abai oblysynda da jańbyr men qar jaýyp, soltústigi men shyǵysynda kóktaiǵaq bolady. Túnde jáne tańerteń shyǵysynda tuman kútiledi. Jeldiń ekpini 15-20 m/s-qa deiin kúsheiedi.
Pavlodar oblysynda túnde jaýyn-shashyn (jańbyr, qar), kúndiz batysy men ońtústiginde azdaǵan jaýyn-shashyn boljanady. Atalǵan aýdandarda kóktaiǵaq bolyp, jeldiń ekpini 15-20 m/s-qa jetedi.
Soltústik Qazaqstan oblysynyń soltústigi men shyǵysynda túnde jańbyr men qar jaýyp, kóktaiǵaq bolady. Batysy men ońtústiginde tuman kútiledi. Jeldiń ekpini 15-20 m/s-qa deiin jetedi.
Qaraǵandy oblysynyń batysynda, soltústigi men shyǵysynda tuman túsedi. Qaraǵandy qalasynda da tuman kútiledi. Al oblystyń batysynda tótenshe órt qaýpi saqtalady.
Ulytaý oblysynyń soltústigi men shyǵysynda túnde jáne tańerteń tuman bolady. Batysy men ortalyǵynda, sondai-aq Jezqazǵan qalasynda tótenshe órt qaýpi saqtalady.
Almaty oblysynyń taýly aýdandarynda tuman túsip, ońtústigi men taýly aimaqtarynda jeldiń ekpini 15-20 m/s-qa jetedi. Túnde oblys boiynsha 1-6 gradýs úsik júredi. Batysynda, ońtústiginde, shyǵysy men ortalyǵynda joǵary órt qaýpi saqtalady. Qonaev qalasynda túnde 1-3 gradýs úsik kútiledi.
Almaty qalasynyń Medeý jáne Bostandyq aýdandarynyń taýly aimaqtarynda da kei ýaqytta tuman túsip, jeldiń ekpini 15-20 m/s-qa deiin kúsheiedi. Qalada joǵary órt qaýpi saqtalady.
Jetisý oblysynyń taýly aýdandarynda tuman kútiledi. Alakól kólderi aýdanynda jeldiń ekpini 15-20 m/s-qa jetedi. Túnde oblys boiynsha 4-9 gradýs úsik júredi. Shyǵysynda tótenshe, ońtústiginde, batysynda jáne ortalyǵynda joǵary órt qaýpi saqtalady. Taldyqorǵan qalasynda túnde 7-9 gradýs úsik kútiledi.
Jambyl oblysynyń taýly aýdandarynda tuman túsedi. Túnde oblys boiynsha 1-6 gradýs úsik júredi. Taýly aimaqtarda jeldiń ekpini 15-20 m/s-qa jetedi. Soltústiginde, ońtústiginde jáne shyǵysynda joǵary órt qaýpi saqtalady.
Túrkistan oblysynyń taýly aýdandarynda tuman kútiledi. Kúndiz taýly aimaqtarda jeldiń ekpini 15-20 m/s bolady. Túnde batysynda 1 gradýs úsik júredi. Oblystyń birqatar aýdanynda joǵary órt qaýpi saqtalady. Túrkistan qalasynda túnde 1-3 gradýs úsik kútiledi.
Qyzylorda oblysynyń soltústigi men ortalyǵynda túnde 3 gradýs úsik bolady. Oblys boiynsha tótenshe órt qaýpi, soltústiginde joǵary órt qaýpi saqtalady. Qyzylorda qalasynda da tótenshe órt qaýpi bar.
Aqmola oblysynyń batysy men ońtústiginde túnde jáne tańerteń tuman túsedi. Qostanai oblysynyń soltústigi men shyǵysynda da osy ýaqytta tuman kútiledi. Oblystyń ońtústiginde joǵary órt qaýpi saqtalady.
Batys Qazaqstan oblysynyń soltústik-batysynda, batysynda, ońtústiginde jáne shyǵysynda joǵary órt qaýpi saqtalady. Atyraý oblysy men Atyraý qalasynda tótenshe órt qaýpi jariialandy.
Mańǵystaý oblysynda ońtústik-shyǵystan jel soǵyp, kúndiz batysy men ortalyǵynda ekpini 15-20 m/s-qa deiin jetedi. Óńir boiynsha joǵary, ortalyǵynda tótenshe órt qaýpi saqtalady. Aqtaý qalasynda da kúndiz jeldiń ekpini 15-20 m/s bolady.
Sonymen qatar Aqtóbe oblysynyń shyǵysynda, batysynda, ońtústigi men ortalyǵynda tótenshe órt qaýpi saqtalady. Shymkent qalasynda da joǵary órt qaýpi kútiledi.
