Ázilkesh ári akter Janbolat Naizabekov telejúrgizýshi Dinara Sátjanǵa ázil aralas ótinish aityp, jubaiy Jumabek Janyqulmen kezdesý uiymdastyrýdy surady, dep habarlaidy ult.kz.

Óner iesi «Baýyr» filminiń prokatqa shyǵýyna orai Jumabek Janyqulǵa jolyqqysy keletinin jetkizgen. Alaida kezdesý maqsatyn ózinshe qaljyńmen túsindirdi.

«Dinara, meniń “Baýyr” degen kinom 5 qarashadan bastap shyǵady. Soǵan 3 qarashada baryp, aǵaǵa qulaǵymdy sherkizip alsam, bos pa eken?» – dedi ázilkesh.

Dinara Sátjan da qaljyńdy ilip áketip, «qulaq shertýge» tapsyrys kóp ekenin aitqan. Bul jaýapqa toqtai qoimaǵan Janbolat: «Onda kózimdi shuqyp bere ala ma?» – dep ázilin jalǵastyrdy. Telejúrgizýshi oǵan «Kóz shuqý qymbat bolady» dep jaýap berdi.

Ekeýiniń qaǵytpa ázili jeli qoldanýshylaryn kúldirip, jazba astyna túrli pikirdiń jazylýyna sebep boldy. 
Aita keteiik, Janbolat Naizabekov aýyr oqiǵany aitty.

Dinara Sátjan kim?

Dinara Sátjan — qazaqstandyq jýrnalist, telejúrgizýshi jáne kásipker. Ol «Habar» arnasyndaǵy «Tań qalma!» baǵdarlamasy arqyly kópshilikke tanyldy. Ár jyldary televiziialyq jobalarǵa qatysyp, qoǵam, mádeniet jáne sán taqyryptaryn qozǵaǵan.

Jýrnalistikamen qatar sán salasynda kásip júrgizip, óz atymen kiim brendin damytqan.

Áleýmettik jelide suhbattary, jeke pikirleri jáne ómir salty týraly jazbalarymen bólisedi.