30 قازاندا قازاقستاننىڭ بٸرقاتار ٶڭٸرٸندە جاۋىن-شاشىن, كٶكتايعاق, تۇمان جەنە قاتتى جەل كٷتٸلەدٸ. سونىمەن قاتار بٸرنەشە وبلىس پەن قالادا جوعارى جەنە تٶتەنشە ٶرت قاۋپٸ ساقتالادى. بۇل تۋرالى «قازگيدرومەت» رمك مەلٸمدەدٸ, دەپ حابارلايدى ult.kz.
شىعىس قازاقستان وبلىسىندا جاڭبىر مەن قار جاۋىپ, سولتٷستٸگٸ مەن تاۋلى اۋداندارىندا كەي ۋاقىتتا قاتتى جاۋىن-شاشىن بولادى. كٶكتايعاق كٷتٸلەدٸ. تٷندە جەنە تاڭەرتەڭ وبلىستىڭ سولتٷستٸگٸ مەن شىعىسىندا تۇمان تٷسەدٸ. جەلدٸڭ ەكپٸنٸ 15-20 م/س-قا دەيٸن جەتەدٸ.
اباي وبلىسىندا دا جاڭبىر مەن قار جاۋىپ, سولتٷستٸگٸ مەن شىعىسىندا كٶكتايعاق بولادى. تٷندە جەنە تاڭەرتەڭ شىعىسىندا تۇمان كٷتٸلەدٸ. جەلدٸڭ ەكپٸنٸ 15-20 م/س-قا دەيٸن كٷشەيەدٸ.
پاۆلودار وبلىسىندا تٷندە جاۋىن-شاشىن (جاڭبىر, قار), كٷندٸز باتىسى مەن وڭتٷستٸگٸندە ازداعان جاۋىن-شاشىن بولجانادى. اتالعان اۋدانداردا كٶكتايعاق بولىپ, جەلدٸڭ ەكپٸنٸ 15-20 م/س-قا جەتەدٸ.
سولتٷستٸك قازاقستان وبلىسىنىڭ سولتٷستٸگٸ مەن شىعىسىندا تٷندە جاڭبىر مەن قار جاۋىپ, كٶكتايعاق بولادى. باتىسى مەن وڭتٷستٸگٸندە تۇمان كٷتٸلەدٸ. جەلدٸڭ ەكپٸنٸ 15-20 م/س-قا دەيٸن جەتەدٸ.
قاراعاندى وبلىسىنىڭ باتىسىندا, سولتٷستٸگٸ مەن شىعىسىندا تۇمان تٷسەدٸ. قاراعاندى قالاسىندا دا تۇمان كٷتٸلەدٸ. ال وبلىستىڭ باتىسىندا تٶتەنشە ٶرت قاۋپٸ ساقتالادى.
ۇلىتاۋ وبلىسىنىڭ سولتٷستٸگٸ مەن شىعىسىندا تٷندە جەنە تاڭەرتەڭ تۇمان بولادى. باتىسى مەن ورتالىعىندا, سونداي-اق جەزقازعان قالاسىندا تٶتەنشە ٶرت قاۋپٸ ساقتالادى.
الماتى وبلىسىنىڭ تاۋلى اۋداندارىندا تۇمان تٷسٸپ, وڭتٷستٸگٸ مەن تاۋلى ايماقتارىندا جەلدٸڭ ەكپٸنٸ 15-20 م/س-قا جەتەدٸ. تٷندە وبلىس بويىنشا 1-6 گرادۋس ٷسٸك جٷرەدٸ. باتىسىندا, وڭتٷستٸگٸندە, شىعىسى مەن ورتالىعىندا جوعارى ٶرت قاۋپٸ ساقتالادى. قوناەۆ قالاسىندا تٷندە 1-3 گرادۋس ٷسٸك كٷتٸلەدٸ.
الماتى قالاسىنىڭ مەدەۋ جەنە بوستاندىق اۋداندارىنىڭ تاۋلى ايماقتارىندا دا كەي ۋاقىتتا تۇمان تٷسٸپ, جەلدٸڭ ەكپٸنٸ 15-20 م/س-قا دەيٸن كٷشەيەدٸ. قالادا جوعارى ٶرت قاۋپٸ ساقتالادى.
جەتٸسۋ وبلىسىنىڭ تاۋلى اۋداندارىندا تۇمان كٷتٸلەدٸ. الاكٶل كٶلدەرٸ اۋدانىندا جەلدٸڭ ەكپٸنٸ 15-20 م/س-قا جەتەدٸ. تٷندە وبلىس بويىنشا 4-9 گرادۋس ٷسٸك جٷرەدٸ. شىعىسىندا تٶتەنشە, وڭتٷستٸگٸندە, باتىسىندا جەنە ورتالىعىندا جوعارى ٶرت قاۋپٸ ساقتالادى. تالدىقورعان قالاسىندا تٷندە 7-9 گرادۋس ٷسٸك كٷتٸلەدٸ.
جامبىل وبلىسىنىڭ تاۋلى اۋداندارىندا تۇمان تٷسەدٸ. تٷندە وبلىس بويىنشا 1-6 گرادۋس ٷسٸك جٷرەدٸ. تاۋلى ايماقتاردا جەلدٸڭ ەكپٸنٸ 15-20 م/س-قا جەتەدٸ. سولتٷستٸگٸندە, وڭتٷستٸگٸندە جەنە شىعىسىندا جوعارى ٶرت قاۋپٸ ساقتالادى.
تٷركٸستان وبلىسىنىڭ تاۋلى اۋداندارىندا تۇمان كٷتٸلەدٸ. كٷندٸز تاۋلى ايماقتاردا جەلدٸڭ ەكپٸنٸ 15-20 م/س بولادى. تٷندە باتىسىندا 1 گرادۋس ٷسٸك جٷرەدٸ. وبلىستىڭ بٸرقاتار اۋدانىندا جوعارى ٶرت قاۋپٸ ساقتالادى. تٷركٸستان قالاسىندا تٷندە 1-3 گرادۋس ٷسٸك كٷتٸلەدٸ.
قىزىلوردا وبلىسىنىڭ سولتٷستٸگٸ مەن ورتالىعىندا تٷندە 3 گرادۋس ٷسٸك بولادى. وبلىس بويىنشا تٶتەنشە ٶرت قاۋپٸ, سولتٷستٸگٸندە جوعارى ٶرت قاۋپٸ ساقتالادى. قىزىلوردا قالاسىندا دا تٶتەنشە ٶرت قاۋپٸ بار.
اقمولا وبلىسىنىڭ باتىسى مەن وڭتٷستٸگٸندە تٷندە جەنە تاڭەرتەڭ تۇمان تٷسەدٸ. قوستاناي وبلىسىنىڭ سولتٷستٸگٸ مەن شىعىسىندا دا وسى ۋاقىتتا تۇمان كٷتٸلەدٸ. وبلىستىڭ وڭتٷستٸگٸندە جوعارى ٶرت قاۋپٸ ساقتالادى.
باتىس قازاقستان وبلىسىنىڭ سولتٷستٸك-باتىسىندا, باتىسىندا, وڭتٷستٸگٸندە جەنە شىعىسىندا جوعارى ٶرت قاۋپٸ ساقتالادى. اتىراۋ وبلىسى مەن اتىراۋ قالاسىندا تٶتەنشە ٶرت قاۋپٸ جارييالاندى.
ماڭعىستاۋ وبلىسىندا وڭتٷستٸك-شىعىستان جەل سوعىپ, كٷندٸز باتىسى مەن ورتالىعىندا ەكپٸنٸ 15-20 م/س-قا دەيٸن جەتەدٸ. ٶڭٸر بويىنشا جوعارى, ورتالىعىندا تٶتەنشە ٶرت قاۋپٸ ساقتالادى. اقتاۋ قالاسىندا دا كٷندٸز جەلدٸڭ ەكپٸنٸ 15-20 م/س بولادى.
سونىمەن قاتار اقتٶبە وبلىسىنىڭ شىعىسىندا, باتىسىندا, وڭتٷستٸگٸ مەن ورتالىعىندا تٶتەنشە ٶرت قاۋپٸ ساقتالادى. شىمكەنت قالاسىندا دا جوعارى ٶرت قاۋپٸ كٷتٸلەدٸ.
