قازاقستاندىق ەنشٸ ديماش قۇدايبەرگەن تٷركييا استاناسى انكارادا ۇيىمداستىرىلعان حالىقارالىق كونتسەرتكە ارنايى قوناق رەتٸندە قاتىسىپ, بٸرنەشە تٸلدە ەن شىرقادى. ٶنەر يەسٸ تٷركٸ جۇرتىنىڭ الدىندا ٶزٸنٸڭ تٶل تۋىندىلارىمەن قاتار ەلەمگە ەيگٸلٸ شىعارمالاردى ورىندادى, دەپ حابارلايدى ult.kz.
28 قازاندا انكارادا تٷركٸ مەملەكەتتەرٸ ۇيىمىنىڭ مەدەني ٸس-شارالارى اياسىندا "Grand Arena Concert" اتتى اۋقىمدى كونتسەرت ٶتتٸ. تٷركييا رەسپۋبليكاسىنىڭ قۇرىلعانىنا 103 جىل تولۋىنا وراي ۇيىمداستىرىلعان كەشتە تٷركٸ ەلدەرٸنٸڭ تانىمال وپەرا ەنشٸلەرٸ مەن كلاسسيكالىق مۋزىكا ورىنداۋشىلارى باس قوستى.
مەرەكەلٸك كەشكە قازاقستان مەن قىرعىزستاننىڭ حالىق ەرتٸسٸ, تٷركسوي ۇيىمىنىڭ "تٷركٸ ەلەمٸنٸڭ مەدەنيەت ەلشٸسٸ" وردەنٸنٸڭ يەگەرٸ ديماش قۇدايبەرگەن ارنايى شاقىرىلدى.
ديماش قازاق جەنە تٷرٸك تٸلدەرٸندە ەن شىرقادى
قازاقستاندىق ەنشٸ كونتسەرت بارىسىندا ٶزٸنٸڭ "ۇمىتىلماس كٷن" اتتى اۆتورلىق شىعارماسىن قازاق تٸلٸندە ورىندادى. سونداي-اق اتى اڭىزعا اينالعان Queen توبىنىڭ "The Show Must Go On" ەنٸن تٷركييانىڭ پرەزيدەنتتٸك سيمفونييالىق وركەسترٸمەن بٸرگە شىرقادى.
بۇدان بٶلەك, ديماش تٷركييالىق تانىمال ديدجەي بۋراك يەتەرمەن بٸرلەسٸپ جازعان "Weekend" تۋىندىسىن كٶرەرمەن نازارىنا ۇسىندى. ەنشٸ جۋىردا جارىققا شىققان, تٷرٸك تٸلٸندەگٸ العاشقى اۆتورلىق ەنٸ "Yazgı"-نى دا ورىندادى.
كونتسەرت بويى كٶرەرمەندەر قازاقستاندىق ٶنەرپازعا قوشەمەت كٶرسەتٸپ, ونىڭ ەر ەنٸن جىلى قابىلدادى. ديماش ٶز كەزەگٸندە جينالعان قاۋىمعا قازاق, اعىلشىن جەنە تٷرٸك تٸلدەرٸندە العىس ايتتى. ول باۋىرلاس تٷرٸك حالقىنىڭ الدىندا ٶنەر كٶرسەتۋ ٶزٸ ٷشٸن ٷلكەن قۋانىش ەرٸ ماقتانىش ەكەنٸن جەتكٸزدٸ.
تٷركٸ ەلدەرٸنٸڭ ٶنەرپازدارى بٸر ساحنادا باس قوستى
حالىقارالىق كەشتە تٷركييانىڭ پرەزيدەنتتٸك سيمفونييالىق وركەسترٸ باس ديريجەر دجەمي دجان دەليورماننىڭ جەتەكشٸلٸگٸمەن ەلەمدٸك كلاسسيكالىق مۋزىكانىڭ تاڭداۋلى تۋىندىلارىن ورىندادى. اتاپ ايتقاندا, نينو روتانىڭ "Parla più piano", دجۋزەپپە ۆەرديدٸڭ "تراۆياتا" وپەراسىنان "Brindisi" جەنە لاتيف حاميديدٸڭ "بۇلبۇل" شىعارمالارى شىرقالدى.
كونتسەرتكە قازاقستان اتىنان وپەرا ەنشٸلەرٸ زارينا التىنباەۆا مەن سالتانات دەۋلەتحانوۆا دا قاتىستى. سونداي-اق تٷركييادان مۇرات كاراحان مەن بەريل يٶرەكلي ەل, تٷرٸكمەنستاننان اتادجان بەرديەۆ, قىرعىزستاننان زايرا رايمبەكوۆا, ٶزبەكستاننان ۋميد شاۆكات ۋگلي جەنە ەزەربايجاننان راميل گاسىموۆ ٶنەر كٶرسەتتٸ.
انكاراداعى كونتسەرت تٷركٸ حالىقتارىنىڭ مۋزىكالىق مۇراسىن دەرٸپتەپ, ەلدەر اراسىنداعى مەدەني بايلانىستى نىعايتۋعا باعىتتالدى.
ديماش قۇدايبەرگەن كٸم?
ديماش قۇدايبەرگەن – ەلەمدٸك ساحنادا تانىلعان قازاقستاندىق ەنشٸ, كومپوزيتور ەرٸ بٸرنەشە مۋزىكالىق اسپاپتا وينايتىن ٶنەرپاز. ونىڭ تولىق اتى-جٶنٸ – دٸنمۇحاممەد قاناتۇلى قۇدايبەرگەن, 1994 جىلى 24 مامىردا اقتٶبە قالاسىندا دٷنيەگە كەلگەن. ەكەسٸ قانات ايتباەۆ پەن اناسى سۆەتلانا ايتباەۆا – قازاقستاننىڭ ەڭبەك سٸڭٸرگەن مەدەنيەت قايراتكەرلەرٸ.
ديماش ەكٸ جاسىندا العاش ساحناعا شىعىپ, التى جاسىندا "اينالايىن" رەسپۋبليكالىق بايقاۋىنىڭ فورتەپيانو اتالىمىندا جەڭٸسكە جەتكەن. ول اقتٶبەدەگٸ احمەت جۇبانوۆ اتىنداعى مۋزىكا كوللەدجٸندە بٸلٸم الىپ, كەيٸن قازاق ۇلتتىق ٶنەر ۋنيۆەرسيتەتٸندە ەسترادا ٶنەرٸ ماماندىعىن مەڭگەردٸ.
2012 جىلى "جاس قانات" رەسپۋبليكالىق بايقاۋىنىڭ باس جٷلدەسٸن يەلەنٸپ, 2013 جىلى قىرعىزستانداعى "مەيكين ازييا" فەستيۆالٸندە جەڭٸمپاز اتاندى. 2015 جىلى بەلارۋس ەلٸندە ۇيىمداستىرىلعان "سلاۆيان بازارى" حالىقارالىق بايقاۋىندا گران-پري جەڭٸپ الدى.
ال 2017 جىلى قىتايدىڭ "Singer" مۋزىكالىق جوباسىنا قاتىسىپ, ەكٸنشٸ ورىنعا يە بولدى.
ەنشٸ قىتاي, فرانتسييا, اقش, ۇلىبريتانييا جەنە باسقا دا مەملەكەتتەردە جەكە كونتسەرتتەر ٶتكٸزٸپ, قازاق مۋزىكاسىن حالىقارالىق ساحنادا تانىستىرىپ كەلەدٸ.
ديماشتىڭ شىعارماشىلىق قورجىنىندا "دايديداۋ", "ماحاببات بەر ماعان", "Stranger" سەكٸلدٸ تۋىندىلار بار, ال 2023 جىلى وعان قازاقستاننىڭ حالىق ەرتٸسٸ اتاعى بەرٸلدٸ.
