“استاناعا كٶكتەم كەش كەلەدٸ” فيلمٸ ارقىلى كٶرەرمەنگە تانىلعان اكتريسا اراي وراقباەۆا شىعارماشىلىق جولىنىڭ كٷتپەگەن جەردەن ٷزٸلۋٸنە نە سەبەپ بولعانىن ايتتى. ٶنەر يەسٸ تۇرمىسقا شىعۋ جوسپارىندا بولماعانىن, الايدا ٶزٸن ەركٸنەن تىس الىپ قاشقاننان كەيٸن كينو سالاسىنان بٸرنەشە جىلعا قول ٷزٸپ قالعانىن جەتكٸزدٸ, دەپ حابارلايدى ult.kz.
2009 جىلى جارىققا شىققان “استاناعا كٶكتەم كەش كەلەدٸ” مەلودراماسى كٶرەرمەننٸڭ ەسٸندە قالعان تۋىندىلاردىڭ بٸرٸ. فيلمدە اۋىلدان ارمان قۋىپ ەلورداعا وقۋعا كەلگەن نازىم ەسٸمدٸ بويجەتكەننٸڭ تاعدىرى باياندالادى. ۋنيۆەرسيتەتكە تٷسە الماعان ول استانادا قالىپ, قۇرىلىس سالاسىنا جۇمىسقا ورنالاسادى. ٷلكەن قالانىڭ قيىندىعىنا تٶتەپ بەرۋگە تىرىسقان جاس قىز جەكە ٶمٸرٸندە دە تٷرلٸ سىناققا تاپ بولادى.
اتالعان فيلمدە باستى كەيٸپكەردٸ سومداعان اراي وراقباەۆا سول كەزەڭدە كٶپشٸلٸكتٸڭ نازارىن اۋدارعانىمەن, كەيٸن ۇزاق ۋاقىت ەكراننان كٶرٸنبەي كەتتٸ.
جۋىردا “Köremiz show” باعدارلاماسىنا قاتىسقان اكتريسا ٶنەردەگٸ ٷزٸلٸسٸنە سەبەپ بولعان جەكە ٶمٸرٸندەگٸ وقيعانى باياندادى.
“ەكٸ كٷن كٶنبەدٸم, ٷشٸنشٸ كٷنٸ قالىپ قويدىم”
اكتريسانىڭ ايتۋىنشا, سول جىلدارى ونىڭ شىعارماشىلىق مانسابى قارقىندى دامىپ, بٸرنەشە ماڭىزدى جوباعا قاتىسۋ مٷمكٸندٸگٸ تۋعان. الايدا كٷتپەگەن جاعداي بولاشاق جوسپارىن تٷبەگەيلٸ ٶزگەرتكەن.
“مەنٸ نەگٸزٸ الىپ قاشىپ كەتكەن. تۇرمىسقا شىعۋ مەنٸڭ ويىمدا بولماعان ەدٸ. ٶيتكەنٸ مەندە سول جىلدارى ٶتە قارقىندى تٷسٸرٸلٸمدەر بولدى. “بولاشاق” اتتى فيلمگە تٷسٸپ, گەرمانيياعا كەتۋٸم كەرەك بولعان. تەاتر اكتريساسى بولماسام دا, “باقىت قۇسى” اتتى سپەكتاكلگە باستى رٶلگە بەكٸتكەن. بويىم ۇزىن بولعاننان كەيٸن ساحنادا جاقسى كٶرٸنەسٸڭ دەگەن ەدٸ. “قازاقفيلمنٸڭ” “جەڭٸس سەمسەرٸ” دەگەن فيلمٸندە باستى رٶلدەردٸڭ بٸرٸن ويناپ, قايناپ جاتقان كەزٸمدە جولداسىم رۇقساتسىز الىپ قاشىپ كەتتٸ. ەكٸ كٷن كٶنبەدٸم, ٷشٸنشٸ كٷنٸ قالىپ كەتتٸم. سونىمەن مەنٸڭ كينو مانسابىم ٷزٸلدٸ”, – دەدٸ اراي وراقباەۆا.
ٶنەر يەسٸنٸڭ سٶزٸنشە, ول كەزدە شەتەلدە تٷسٸرٸلٸمگە قاتىسىپ, تەاتر ساحناسىندا دا باعىن سىناۋعا مٷمكٸندٸك بولعان. بٸراق وتباسىلىق ٶمٸرگە اياق باسقان سوڭ شىعارماشىلىق جوسپارلارى كەيٸنگە شەگەرٸلگەن.
كينوعا بەس-التى جىل تٷسپەگەن
باعدارلاما جٷرگٸزۋشٸسٸ اكتريسادان ٶنەردەگٸ ٷزٸلٸستٸڭ قانشا ۋاقىتقا سوزىلعانىن سۇرادى. اراي وراقباەۆا كينو سالاسىنان شامامەن بەس-التى جىل قول ٷزٸپ قالعانىن ايتتى. اكتريسا بۇل كەزەڭدە كەسٸبي مٷمكٸندٸكتەرٸن تولىق پايدالانا الماعانىن جاسىرمادى. ونىڭ ايتۋىنشا, تۇرمىسقا شىعۋى شىعارماشىلىق جولىنا ايتارلىقتاي ەسەر ەتكەن.
دەگەنمەن اراي وراقباەۆا ٶنەردەن بٸرجولا كەتكەن جوق. قازٸر ول اكتەرلٸك قىزمەتٸنە قايتا ورالىپ, كينو جوبالارىنا قاتىسىپ, جاڭا رٶلدەر ارقىلى كٶرەرمەنٸمەن قايتا قاۋىشىپ جٷر.
اراي وراقباەۆا كٸم?
اراي وراقباەۆا – قازاقستاندىق كينو جەنە تەلەحيكايا اكتريساسى, “استاناعا كٶكتەم كەش كەلەدٸ” فيلمٸ ارقىلى كٶپشٸلٸككە تانىلعان ٶنەر يەسٸ. ول بالالىق شاعىن اياگٶز قالاسىندا ٶتكٸزٸپ, مەكتەپ كەزٸنەن تٷرلٸ شىعارماشىلىق بايقاۋلارعا قاتىسقان.
2007 جىلى “اياگٶز ارۋى” بايقاۋىندا جەڭٸمپاز اتانىپ, كەيٸن رەسپۋبليكالىق سۇلۋلىق سايىستارىندا باق سىناعان. باستاپقىدا زاڭگەر بولۋدى ارمانداعانىمەن, كەيٸن اكتەرلٸك ٶنەرگە بەت بۇرىپ, تەمٸربەك جٷرگەنوۆ اتىنداعى قازاق ۇلتتىق ٶنەر اكادەميياسىندا بٸلٸم العان.
2009 جىلى رەجيسسەر ەركٸن راقىشەۆتٸڭ “استاناعا كٶكتەم كەش كەلەدٸ” فيلمٸندە نازىم ەسٸمدٸ بويجەتكەننٸڭ بەينەسٸن سومداپ, كٶرەرمەن ىقىلاسىنا بٶلەندٸ.
2011 جىلى بايان الاگٶزوۆا ۇيىمداستىرعان “قازاق ارۋى” بايقاۋىنا قاتىسىپ, ٷشٸنشٸ ورىندى يەلەندٸ.
اكتريسا “جەڭٸس سەمسەرٸ”, “بولاشاق”, “بالالىق شاعىمنىڭ اسپانى”, “تامىر” جەنە “Zero.QARYZ” فيلمدەرٸنە تٷسكەن.
سونداي-اق “اپپاق كەلٸن”, “باقىتتىڭ كٸلتٸ”, “قاشقىن” جەنە “گاۋحار” تەلەحيكايالارىندا ٶنەر كٶرسەتكەن.
اراي وراقباەۆا تۇرمىس قۇرعاننان كەيٸن شىعارماشىلىق قىزمەتٸندە بٸرنەشە جىل ٷزٸلٸس بولعانىن, الايدا كەيٸن كينو سالاسىنا قايتا ورالعانىن ايتقان. ٶنەر يەسٸ ەكٸ بالانىڭ اناسى جەنە اكتەرلٸك جۇمىسىن وتباسىلىق ٶمٸرٸمەن قاتار الىپ جٷر.
