Ánshi Merýert Túsipbaeva men akter Baqtiiar Qojanyń birge túsken fotolary jeli qoldanýshylarynyń nazaryn aýdardy, dep habarlaidy ult.kz.

Qos óner iesi sán úiiniń jarnamalyq túsirilimine qatysyp, ulttyq naqyshtaǵy kiimderdi tanystyrǵan. Áleýmettik jelide jariialanǵan kadrlar oqyrmandardyń túrli pikirine arqaý boldy.

Birqatar qoldanýshy ánshi men akterdiń bir-birine jarasymdy kórinetinin aityp, jyly lebizin bildirgen. Olardyń arasynda «Ekeýi jarasyp tur», «Eki jarty bir bútin», «Jarasymdy jup shyǵady» degen pikirler bar.

Al kei oqyrman Baqtiiar Qojanyń otbasyly ekenin eske salǵan. Degenmen kópshilik talqylaǵan sýretter sán úiiniń jarnamasy aiasynda túsirilgen.

Aita keteiik, Merýert Ótekeshova áigili ánshi týraly aitty. 

Merýert Túsipbaeva kim?

Merýert Túsipbaeva — qazaqstandyq estrada ánshisi, teatr jáne kino aktrisasy. Pavlodar oblysynyń Baianaýyl óńirinde dúniege kelgen.

1995 jyly T. Júrgenov atyndaǵy óner oqý ornyn mýzykalyq teatr akteri mamandyǵy boiynsha, Tilektes Meiramovtyń klasynda bitirgen.

Eńbek jolynda Ǵ. Músirepov atyndaǵy balalar men jasóspirimder teatrynda jumys istep, «Ulpan men Esenei», «Altyn saqa», «Sokrat» qoiylymdaryna qatysqan. Kópshilikke «Qimai seni baramyn» ánimen tanyldy. Bul ánge túsirilgen beinebaiany 1996 jyly «Altyn juldyz» baiqaýynda úzdik jumystardyń qataryna engen.