Qazaqstandyq akter Áshim Ahmetov Respýblika kúni qarsańynda «Eren eńbegi úshin» medalimen marapattaldy. Bul týraly akter Threads paraqshasynda jazdy, dep habarlaidy ult.kz.
Óner iesi marapatyn áleýmettik jelidegi oqyrmandarymen bólisip, eńbeginiń elengenine qýanyshty ekenin jetkizdi.
«Eńbegimiz elenip jatqanyna qýanyshtymyn. Alar asýymyz áli alda», – dep jazdy Áshim Ahmetov.
Áshim Ahmetov kim?
Áshim Eralyuly Ahmetov (1991 jyly 13 naýryzda Almatyda týǵan) — tanymal qazaqstandyq kino jáne teatr akteri, rejisser ári pedagogika salasynyń mamany. Ol T. Júrgenov atyndaǵy Qazaq ulttyq óner akademiiasynyń túlegi jáne sol jerde ustazdyq etedi.
Ómirbaiany men bilimi
• Týǵan kúni: 13 naýryz 1991 jyl (Almaty qalasy).
• Bilimi: T. Júrgenov atyndaǵy QazUÓA (bakalavr 2009–2013, magistratýra 2014–2016), Niý-Iorktegi EF International mektebi (2013–2014).
• Ustazy: Qazaqstannyń eńbek sińirgen ártisi Rahiliam Mashýrova.
• Qyzmeti: QazUÓA «Akterlik sheberlik jáne rejissýra» kafedrasynyń oqytýshysy jáne ARTis school akterlik mektebiniń nusqaýshysy.
Negizgi filmografiiasy
• «Ograblenie po-kazahski» (2013) — Mýrik
• «Taraz» (2016)
• «Hotia by v kino» (2022)
• «Borets. Kajymýkan – chempion mira» (2024)
• «ErkeBai» (2024)
• «Qoraǵa Kirdik» (2024)
• «Jeti qaraqshy»
Aita keteiik, Respýblika kúni qarsańynda eldiń áleýmettik-ekonomikalyq jáne mádeni-rýhani damýyna úles qosqan birqatar azamat memlekettik nagradalarmen marapattaldy.
