Astanada esirtki saqtady jáne taratty degen kúdikpen eki shetel azamaty ustaldy. Bul týraly elordalyq politsiia málimdedi, dep habarlaidy ult.kz Kriminalnyi Kazahstan telegram arnasyna silteme jasap.
Quqyq qorǵaý organdary júrgizgen jedel-izdestirý sharalary barysynda 21 jáne 37 jastaǵy eki er adamnyń mingen Changan avtokóligi tekserilgen.
Kólik salonynan úsh paketke salynǵan belgisiz zat pen suiyqtyq quiylǵan kapsýlalar salynǵan chemodan tabyldy. Sondai-aq kúdiktilerdiń biriniń sómkesinen osyndai zattar anyqtalǵan.
Tárkilengen zattardyń jalpy salmaǵy bir keliden asqan. Barlyǵy saraptamaǵa jiberildi.
Atalǵan fakti boiynsha sotqa deiingi tergeý bastaldy. Eki kúdikti de ýaqytsha ustaý izoliatoryna qamaldy.
