Астанада есірткі сақтады және таратты деген күдікпен екі шетел азаматы ұсталды. Бұл туралы елордалық полиция мәлімдеді, деп хабарлайды ult.kz Криминальный Казахстан telegram арнасына сілтеме жасап.
Құқық қорғау органдары жүргізген жедел-іздестіру шаралары барысында 21 және 37 жастағы екі ер адамның мінген Changan автокөлігі тексерілген.
Көлік салонынан үш пакетке салынған белгісіз зат пен сұйықтық құйылған капсулалар салынған чемодан табылды. Сондай-ақ күдіктілердің бірінің сөмкесінен осындай заттар анықталған.
Тәркіленген заттардың жалпы салмағы бір келіден асқан. Барлығы сараптамаға жіберілді.
Аталған факті бойынша сотқа дейінгі тергеу басталды. Екі күдікті де уақытша ұстау изоляторына қамалды.
