Qyzylorda oblysynyń Aral aýdanynda ákesimen janjaldasqan ul qaza tapty. Adam ólimine ákep soqqan otbasylyq janjal biyl 4 shildede bolǵan, dep habarlaidy ult.kz.
Oblystyq prokýratýranyń málimetinshe, oqiǵa kezinde ákesi men uly óz úiinde sózge kelip qalǵan. Janjal barysynda ákesi ulyna pyshaq jaraqatyn salyp, onyń júrek tamyryn zaqymdaǵan. Alǵan jaraqatynan jábirlenýshi oqiǵa ornynda kóz jumǵan.
Atalǵan derek boiynsha Qyzylorda oblysynyń qylmystyq ister jónindegi mamandandyrylǵan aýdanaralyq soty isti qarap, er adamdy QR Qylmystyq kodeksiniń 99-babynyń 1-bóligi boiynsha kináli dep tanydy. Sot úkimimen oǵan 8 jyl merzimge bas bostandyǵynan aiyrý jazasy taǵaiyndaldy.
Ázirge sot úkimi zańdy kúshine engen joq.
Prokýratýra turǵyndardy otbasylyq janjal men zorlyq-zombylyq faktilerine beijai qaramaýǵa shaqyrdy. Mundai jaǵdailarǵa kýá bolǵan jaǵdaida quqyq qorǵaý organdaryna der kezinde habarlaý qajettigin eskertti.
