Qazaqstan Respýblikasynyń Ulttyq mýzeiinde Parijdegi Adam mýzeii men Frantsiianyń Qazaqstandaǵy elshiligi ókilderimen kezdesý ótti, dep habarlaidy ult.kz.
Taraptar 2027 jyly Parijde ótetin «Tarihqa deiingi dáýirdegi bailyq pen bilik» halyqaralyq kórmesine daiyndyq máselelerin talqylady.
Kórmege Adam mýzeiiniń, Frantsiia men Eýropanyń ózge elderindegi mýzeilerdiń kollektsiialary qoiylady. Qazaqstan atynan Ulttyq mýzei qatysady. Kórmede Berel qorymynan tabylǵan biregei arheologiialyq jádigerlerdi tanystyrý josparlanyp otyr.
Kezdesýde jádigerlerdi kórmege daiyndaý, olardyń saqtalýyn qamtamasyz etý jáne jobaǵa ǵylymi súiemeldeý júrgizý máselelerine airyqsha mán berildi.
Bul kezdesý qyrkúiekte Parijde ótken Qazaqstan kúnderi aiasynda qol jetkizilgen ýaǵdalastyqtyń jalǵasy boldy.
Ortaq joba mýzeiler arasyndaǵy áriptestikti nyǵaitýǵa, mamandardyń tájiribe almasýyna jáne Qazaqstannyń tarihi-mádeni murasyn sheteldik jurtshylyqqa keńinen tanytýǵa baǵyttalǵan.
