Marǵulan ýniversitetiniń ǵalymdary Pavlodar oblystyq tarihi-ólketaný mýzeiinde saqtalǵan kóne kúmis bas kiimniń jasalý tehnologiiasy men shyǵý tegin anyqtap jatyr, dep habarlaidy ult.kz.
Arheologiialyq zertteýler institýtynyń mamandary jádigerge rentgendik-flýorestsenttik taldaý júrgizip, onyń metall quramyn zertteýde. Aldyn ala málimet boiynsha, bas kiim quramyndaǵy kúmistiń úlesi shamamen 97 paiyzdy quraidy.
1959 jyly tabylǵan jádigerdiń tarihi ári ǵylymi mańyzy zor. Mamandar onyń juqa ári názik qurylymy qandai tehnologiiamen jasalǵanyn anyqtaýǵa tyrysyp jatyr. Bas kiimniń keibir bólikteriniń qalyńdyǵy nebári birneshe millimetrdi quraidy.
Zertteýshilerdi buiymnyń búginge deiin jaqsy saqtalǵany da qyzyqtyrady. Eýraziianyń tabiǵi-klimattyq jaǵdaiynda kúmisten jasalǵan zattar ýaqyt óte kele búlinýi múmkin. Sonymen qatar Qazaqstan men oǵan irgeles óńirlerden osy kezeńge jatatyn uqsas buiymdar ázirge tabylmaǵan.
Ǵalymdar aldaǵy ýaqytta bas kiimniń yqtimal shyǵý tegin anyqtaýdy josparlap otyr. Zertteý nátijeleri múmkindik berse, buiymdy jasaýǵa paidalanylǵan kúmistiń shikizat kózi men ken ornyn da anyqtaý kózdelgen.
Mýzei men Marǵulan ýniversitetiniń birlesken zertteýi kóne zergerlerdiń sheberligin, sol dáýirdegi metall óńdeý tehnologiialaryn jáne tarihi jádigerdiń erekshelikterin tereńirek tanýǵa múmkindik beredi.
