Qazaqstan men Qyrǵyzstan arasyndaǵy ózara saýda kólemi biylǵy jyldyń alǵashqy segiz aiynda 19%-dan astam ósip, 1,75 mlrd AQSh dollaryna jetti. Bul týraly Saýda jáne integratsiia ministri Arman Shaqqaliev málimdedi, dep habarlaidy ult.kz.
Ministrdiń aitýynsha, Qazaqstan Qyrǵyzstanǵa otandyq ónimder eksportyn odan ári arttyrýǵa múddeli. Atap aitqanda, azyq-túlik, himiia, munai-himiia jáne metallýrgiia ónerkásibi taýarlaryn jetkizý kólemin ulǵaitýǵa daiyn.
«Biz Qyrǵyzstanǵa azyq-túlik, himiia, munai-himiia jáne metallýrgiia ónerkásibi ónimderi jetkizilimin arttyrýǵa daiynbyz», – dedi Arman Shaqqaliev.
Eki el arasyndaǵy saýda-ekonomikalyq bailanystardy damytý ózara taýar ainalymyn ulǵaitýǵa jáne óńirlik ekonomikalyq yntymaqtastyqty nyǵaitýǵa múmkindik beredi.
