Qazaqstanda «Ekspress Zaim» mikroqarjy uiymdary jelisiniń basshysy Erjan Shákirovke izdeý jariialandy. Qarjylyq monitoring agenttigi ony qaryz alýshylarǵa qatysty alaiaqtyq shemaǵa bailanysty izdestirip jatyr, dep habarlaidy ult.kz.
Bas prokýratýranyń Quqyqtyq statistika jáne arnaiy esepke alý jónindegi komitetiniń málimetinshe, 40 jastaǵy Shákirovti QMA-nyń Qyzylorda oblysy boiynsha ekonomikalyq tergeý departamenti izdep jatyr.
Ashyq derekterde ol «Ekspress Zaim» mikroqarjy uiymy» JShS-niń jalǵyz quryltaishysy retinde kórsetilgen.
QMA málimetinshe, kompaniia 2024 jyldyń tamyzynan bastap klientterge jasyryn aqyly «konsýltatsiia» qyzmetin engizgen. Bul qyzmet mikrokredit alý nemese qaryz merzimin uzartý úshin mindetti shart retinde usynylyp, onyń quny negizgi boryshqa qosylyp otyrǵan. Sonyń saldarynan qaryz alýshylar qosymsha tólem jasaýǵa májbúr bolǵan.
Agenttik dereginshe, bul shemaǵa 43 myń qazaqstandyq tap bolyp, olarmen 181 myńnan astam kelisimshart jasalǵan.
Buǵan deiin kompaniia direktorynyń orynbasaryna úiqamaq túrindegi bultartpaý sharasy qoldanylǵany habarlanǵan. Qazir tergeý jalǵasyp jatyr.
Al «Ekspress Zaim» kompaniiasy barlyq bólimshesi shtattyq rejimde jumys istep turǵanyn jáne qyzmetin toqtatý týraly sheshim qabyldanbaǵanyn málimdedi. Uiym jariialanǵan aqparat tergeýdiń aldyn ala ustanymyna negizdelgenin atap ótti.
