Aqtaýda quny 34 million teńgeden asatyn altyn buiymdardy aldap iemdendi degen kúdikpen eki adam ustaldy. Olar Almatydan kelip, zergerlik dúkendi aldaǵannan keiin óńirden ketpek bolǵan, dep habarlaidy ult.kz.
Polisia.kz málimetinshe, oqiǵa Aqtaý qalasynyń 4-shaǵyn aýdanyndaǵy saýda ortalyqtarynyń birinde ornalasqan zergerlik dúkende bolǵan. Kúdikti áiel satýshynyń senimine kirip, ózin dúken iesiniń tanysynyń qyzy retinde tanystyrǵan. Altyn buiymdardy jeńildikpen satyp alatynyn aityp, satýshyny alty áshekeidi berýge kóndirgen. Alaida taýardyń aqysyn tólemesten dúkennen shyǵyp ketken.
Jedel-izdestirý sharalary barysynda kriminaldyq politsiia qyzmetkerleri kúdiktilerdiń Almaty qalasynan Aqtaýǵa kelgen eki azamat ekenin anyqtaǵan.
24 qazanda olar Atyraý oblysyndaǵy Saǵyz aýyly mańynda Toyota Camry kóligimen óńirden ketýge árekettengen kezde qolǵa tústi. Avtokólikti tekserý barysynda politseiler urlanǵan alty altyn buiymdy taýyp, tárkiledi.
Atalǵan derek boiynsha qylmystyq is qozǵaldy. Eki kúdikti ýaqytsha ustaý izoliatoryna qamaldy. Qazirgi ýaqytta tergeý amaldary jalǵasyp jatyr.
