اقتاۋدا قۇنى 34 ميلليون تەڭگەدەن اساتىن التىن بۇيىمداردى الداپ يەمدەندٸ دەگەن كٷدٸكپەن ەكٸ ادام ۇستالدى. ولار الماتىدان كەلٸپ, زەرگەرلٸك دٷكەندٸ الداعاننان كەيٸن ٶڭٸردەن كەتپەك بولعان, دەپ حابارلايدى ult.kz.
Polisia.kz مەلٸمەتٸنشە, وقيعا اقتاۋ قالاسىنىڭ 4-شاعىن اۋدانىنداعى ساۋدا ورتالىقتارىنىڭ بٸرٸندە ورنالاسقان زەرگەرلٸك دٷكەندە بولعان. كٷدٸكتٸ ەيەل ساتۋشىنىڭ سەنٸمٸنە كٸرٸپ, ٶزٸن دٷكەن يەسٸنٸڭ تانىسىنىڭ قىزى رەتٸندە تانىستىرعان. التىن بۇيىمداردى جەڭٸلدٸكپەن ساتىپ الاتىنىن ايتىپ, ساتۋشىنى التى ەشەكەيدٸ بەرۋگە كٶندٸرگەن. الايدا تاۋاردىڭ اقىسىن تٶلەمەستەن دٷكەننەن شىعىپ كەتكەن.
جەدەل-ٸزدەستٸرۋ شارالارى بارىسىندا كريمينالدىق پوليتسييا قىزمەتكەرلەرٸ كٷدٸكتٸلەردٸڭ الماتى قالاسىنان اقتاۋعا كەلگەن ەكٸ ازامات ەكەنٸن انىقتاعان.
24 قازاندا ولار اتىراۋ وبلىسىنداعى ساعىز اۋىلى ماڭىندا Toyota Camry كٶلٸگٸمەن ٶڭٸردەن كەتۋگە ەرەكەتتەنگەن كەزدە قولعا تٷستٸ. اۆتوكٶلٸكتٸ تەكسەرۋ بارىسىندا پوليتسەيلەر ۇرلانعان التى التىن بۇيىمدى تاۋىپ, تەركٸلەدٸ.
اتالعان دەرەك بويىنشا قىلمىستىق ٸس قوزعالدى. ەكٸ كٷدٸكتٸ ۋاقىتشا ۇستاۋ يزولياتورىنا قامالدى. قازٸرگٸ ۋاقىتتا تەرگەۋ امالدارى جالعاسىپ جاتىر.
