Ánshi Jazira Baiyrbekova ulynyń úilený toiyn ótkizgenimen, áli qudalyq jasamaǵanyn aitty. Óner iesi basqosýdy qaida uiymdastyrǵan durys ekenin áleýmettik jelidegi oqyrmandarynan surady, dep habarlaidy ult.kz.

Ánshiniń sózinshe, qudalyq ótkizý nieti bolǵan, alaida ýaqyt óte bergen. Qazir otbasy osy jiynǵa laiyq meiramhana izdep júr.

«Eki bala úilengen kezde toi jasadyq, biraq áli qudalyq jasamadyq. Uiat-ai. Sodan qudalyq jasaiyq dep, ýaqyt ótip ketti. Meiramhana izdep júrmiz. Qaida jasaǵan durys? Bizge aqyldaryńyz kerek», – dedi ol.

Jazira Baiyrbekova qudalardy úide kútken jón be, álde keshkisin meiramhanada bas qosqan durys pa degen saýal da qoidy. Ánshi bul rette kópshiliktiń usynysyn bilgisi keletinin jetkizdi.

Aita keteiik, Jazira Baiyrbekovanyń sińlisi jezdesi týraly syr ashty.

Jazira Baiyrbekova kim? 
 

Jazira Baiyrbekova — qazaq estradasynyń tanymal ánshisi, «Janbolat pen Jazira» dýetiniń múshesi. Ol 1978 jylǵy 30 qyrkúiekte qazirgi Túrkistan oblysyndaǵy Paqtashy eldi mekeninde dúniege kelgen. Ánshi 2002 jyldan bastap jubaiy Janbolat Erbatyrovpen birge dýet bolyp óner kórsetip keledi. Shyǵarmashylyq jolynyń basynda týǵan aǵasy Erbol Baiyrbekovtiń «Súigenińdi baǵala», «Armanym» sekildi ánderin oryndaǵan. 2010 jyly Qazaq memlekettik qyzdar pedagogikalyq ýniversitetin bitirgen.

Jaziranyń repertýarynda estradalyq ándermen qatar halyq ánderi, termeler jáne balalarǵa arnalǵan shyǵarmalar bar. Ol «Mailyqojanyń termesine» beinebaian túsirip, dástúrli ónerdi nasihattaýǵa úles qosýdy maqsat etkenin aitqan. Kishkentai tyńdarmandarǵa arnalǵan «Besik jyry», «Tái-tái» ánderi de onyń oryndaýynda taralǵan.

Janbolat pen Jazira 1996 jylǵy 7 maýsymda otbasyn qurǵan. Ónerde de, ómirde de qatar júrgen jup bir ul, bir qyz tárbielep ósirgen. Ulynan keiin araǵa 22 jyl salyp, 2019 jyly ekinshi perzentin súigen.

Ánshi suhbattarynda otbasyndaǵy syilastyq pen keshirimdilik týraly jii oi bólisedi. «Qazaqstan» telearnasyna bergen suhbatynda otbasynyń beriktigin saqtaýda keshire bilýdiń mańyzyn atap ótken.