Qazaqstandyq faiter Qýat Hamitov 30 qazanda Dýshanbede ótken ACA 209 aralas jekpe-jek týrnirinde reseilik Aleksei Mahnony nokaýtqa túsirdi, dep habarlaidy ult.kz.
Jartylai orta salmaqta ótken jekpe-jek ekinshi raýndta aiaqtaldy.
Aita keteiik, kezdesý aldynda qarsylastar áleýmettik jelide bir-birine ótkir pikirler aitqan. Hamitov qarsylasyn sporttyq mansabyn aiaqtaýǵa májbúrleitinin aitsa, Mahno «Naimandy» jeńýge nietti ekenin málimdegen.
Jekpe-jekten keiin Qýat Hamitov TMD elderin birlikke shaqyryp, ultqa bólinýdi toqtatýǵa úndedi.
«Jaqsy da, jaman da adamdar bolady. Eger tatý-tátti ómir súrip, bir-birimizdi syilasaq, tynyshtyq ornaidy. Al beibitshilik bar jerde árdaiym damý men baqyt bolady», – dedi qazaqstandyq faiter.
Bul jeńisten keiin 38 jastaǵy Qýat Hamitovtyń Sherdog platformasyndaǵy kásibi rekordy 26 jeńis, 9 jeńilis jáne 1 teń oiynǵa jetti.
Al 36 jastaǵy Aleksei Mahno qatarynan tórtinshi ret jeńilip, mansabyndaǵy 14-shi jeńilisine ushyrady. Onyń enshisinde 27 jeńis bar.
