قازاقستاندىق فايتەر قۋات حاميتوۆ 30 قازاندا دۋشانبەدە ٶتكەن ACA 209 ارالاس جەكپە-جەك تۋرنيرٸندە رەسەيلٸك الەكسەي ماحنونى نوكاۋتقا تٷسٸردٸ, دەپ حابارلايدى ult.kz.
جارتىلاي ورتا سالماقتا ٶتكەن جەكپە-جەك ەكٸنشٸ راۋندتا اياقتالدى.
ايتا كەتەيٸك, كەزدەسۋ الدىندا قارسىلاستار ەلەۋمەتتٸك جەلٸدە بٸر-بٸرٸنە ٶتكٸر پٸكٸرلەر ايتقان. حاميتوۆ قارسىلاسىن سپورتتىق مانسابىن اياقتاۋعا مەجبٷرلەيتٸنٸن ايتسا, ماحنو «نايماندى» جەڭۋگە نيەتتٸ ەكەنٸن مەلٸمدەگەن.
جەكپە-جەكتەن كەيٸن قۋات حاميتوۆ تمد ەلدەرٸن بٸرلٸككە شاقىرىپ, ۇلتقا بٶلٸنۋدٸ توقتاتۋعا ٷندەدٸ.
«جاقسى دا, جامان دا ادامدار بولادى. ەگەر تاتۋ-تەتتٸ ٶمٸر سٷرٸپ, بٸر-بٸرٸمٸزدٸ سىيلاساق, تىنىشتىق ورنايدى. ال بەيبٸتشٸلٸك بار جەردە ەردايىم دامۋ مەن باقىت بولادى», – دەدٸ قازاقستاندىق فايتەر.
بۇل جەڭٸستەن كەيٸن 38 جاستاعى قۋات حاميتوۆتىڭ Sherdog پلاتفورماسىنداعى كەسٸبي رەكوردى 26 جەڭٸس, 9 جەڭٸلٸس جەنە 1 تەڭ ويىنعا جەتتٸ.
ال 36 جاستاعى الەكسەي ماحنو قاتارىنان تٶرتٸنشٸ رەت جەڭٸلٸپ, مانسابىنداعى 14-شٸ جەڭٸلٸسٸنە ۇشىرادى. ونىڭ ەنشٸسٸندە 27 جەڭٸس بار.
