قازاقستاندىق بوكسشى زارينا تولىباي U19 ساناتىنداعى ەلەم چەمپيوناتىندا توپ جارىپ, التىن مەدال جەڭٸپ الدى, دەپ حابارلايدى ult.kz.
قازاقستان بوكس فەدەراتسيياسىنىڭ مەلٸمەتٸنشە, چەرنوگورييانىڭ بۋدۆا قالاسىندا World Boxing ۇيىمىنىڭ ۇيىمداستىرۋىمەن ٶتٸپ جاتقان ەلەم بٸرٸنشٸلٸگٸنٸڭ فينالىندا وتانداسىمىز اسا اۋىر سالماقتا سىنعا تٷستٸ.
شەشۋشٸ جەكپە-جەكتە زارينا رەسەي ٶكٸلٸ ساميرا يتونيەۆامەن كەزدەسٸپ, تٶرەشٸلەردٸڭ 4:1 ەسەبٸمەن جەڭٸسكە جەتتٸ.
قازاقستاندىق سپورتشى فينالعا دەيٸن دە سەنٸمدٸ ٶنەر كٶرسەتتٸ. شيرەك فينالدا تۋۆالۋ ٶكٸلٸ فرەنتسيس تاافاكٸنٸ ەكٸنشٸ راۋندتا تەحنيكالىق نوكاۋتپەن جەڭسە, جارتىلاي فينالدا تٷركييالىق ميرەي دوگرۋدان 5:0 ەسەبٸمەن باسىم تٷستٸ.
ايتا كەتەيٸك, زارينا تولىباي بيىل شٸلدە ايىندا يندونەزييا استاناسى دجاكارتادا ٶتكەن U19 ساناتىنداعى ازييا چەمپيوناتىندا دا قارسىلاستارىنان وزىپ, چەمپيون اتانعان بولاتىن. ەندٸ وتانداسىمىز قۇرلىقتاعى جەڭٸسٸن ەلەمدٸك التىنمەن تولىقتىردى.
