قازاقستاندىق شاحماتشىلار يسپانييانىڭ روكەتاس-دە-مار قالاسىندا ٶتكەن ەلەم چەمپيوناتىندا 13 مەدال ەنشٸلەدٸ. قۇراما قورجىنىندا جەتٸ التىن, ەكٸ كٷمٸس جەنە تٶرت قولا جٷلدە بار. قازاقستان جەڭٸپ العان مەدالدار سانى بويىنشا قاتىسۋشى ەلدەر اراسىندا بٸرٸنشٸ ورىنعا يە بولدى.
التىن جٷلدەگەر اتانعاندار: ماكار چەرنىشوۆ (7 جاسقا دەيٸن), لەيلا الداجاروۆا (7 جاسقا دەيٸن), امالييا ەدرەشەۆا (9 جاسقا دەيٸن), ەمٸرجان ەنەتوۆ (11 جاسقا دەيٸن), ميلانا فيليپپوۆا (11 جاسقا دەيٸن), دانيس قۋاندىقۇلى (13 جاسقا دەيٸن) جەنە الدييار جاۋىنباي (15 جاسقا دەيٸن).
كٷمٸس مەدالداردى ەليما ەكٸمحان (7 جاسقا دەيٸن) مەن الدييار جاراس (15 جاسقا دەيٸن) يەلەندٸ. ال قولا جٷلدەنٸ راۋان باقىت (11 جاسقا دەيٸن), ەلٸمجان جاۋىنباي (13 جاسقا دەيٸن), ايارۋ التىنبەك (15 جاسقا دەيٸن) جەنە مارييا حولياۆكو (17 جاسقا دەيٸن) ەنشٸلەدٸ.
ەڭ ەسەرلٸ نەتيجەلەردٸڭ بٸرٸن 11 جاسقا دەيٸنگٸ قىزدار اراسىندا سىنعا تٷسكەن ميلانا فيليپپوۆا كٶرسەتتٸ. ول بارلىق 11 پارتييادا جەڭٸسكە جەتٸپ, جارىستىڭ اياقتالۋىنا ەكٸ تۋر قالعاندا مەرزٸمٸنەن بۇرىن چەمپيون اتاعىن جەڭٸپ الدى. ونىڭ جاقىن قارسىلاستارى سەگٸز ۇپايدان جيناپ, بٸردەن ٷش ۇپايعا قالىپ قويدى.
ون ٷش جاسقا دەيٸنگٸلەر ساناتىندا سىنعا تٷسكەن دانيس قۋاندىقۇلى دا اسا جوعارى نەتيجە كٶرسەتتٸ. ول 11 مٷمكٸندٸكتەن 10,5 ۇپاي جيناپ, بٷكٸل تۋرنير بارىسىندا بار بولعانى جارتى ۇپاي عانا جوعالتتى. وتانداسىمىز كٷمٸس جٷلدەگەر, ەگيپەتتٸك ابدالراحمان سامەح موحامەدتٸ بٸر جارىم ۇپايعا باسىپ وزدى.
ون بٸر جاسقا دەيٸنگٸ ۇلدار اراسىندا ەمٸرجان ەنەتوۆ جەڭٸسكە جەتتٸ. قازاقستاندىق قاتىسۋشى 11 مٷمكٸندٸكتەن 9,5 ۇپاي جيناپ, جاقىن قارسىلاسى ٶزبەكستاندىق اكبار مۋستافاكۋلوۆتان تۇتاس بٸر ۇپايعا وزىپ كەتتٸ. وسى ساناتتاعى قولا مەدالدٸ قازاقستاننىڭ تاعى بٸر ٶكٸلٸ راۋان باقىت جەڭٸپ الدى, ول جارىستى 8 ۇپايمەن اياقتادى.
قۇرامانىڭ ەڭ جاس ٶكٸلدەرٸنٸڭ جەڭٸسٸ كٷتپەگەن جاڭالىق بولدى. لەيلا الداجاروۆا چەمپيوناتقا حالىقارالىق رەيتينگسٸز كەلسە دە, جەتٸ جاسقا دەيٸنگٸ قىزدار ساناتىنداعى بارلىق قارسىلاستارىن باسىپ وزدى. سول جاستاعى ۇلدار اراسىندا ٶنەر كٶرسەتكەن ماكار چەرنىشوۆ جارىس الدىندا باستاپقى تٸزٸمدە 14-شٸ ورىندا تۇرسا دا, تۋرنيردٸ بٸرٸنشٸ ورىنمەن اياقتادى.
تاعى بٸر سەنساتسييالىق جەڭٸسكە امالييا ەدرەشەۆا قول جەتكٸزدٸ. توعىز جاسقا دەيٸنگٸ قىزدار ساناتىندا قازاقستاندىق سپورتشى رەيتينگ تٸزٸمٸنٸڭ 18-شٸ ورىنان باستاپ, تۋرنيردٸ بٸرٸنشٸ ورىنمەن تٷيٸندەدٸ. ول 8,5 ۇپاي جينادى. ەكٸ قارسىلاسى دا وسىنداي ۇپاي جيناعان بولاتىن, بٸراق قوسىمشا كٶرسەتكٸشتەر بويىنشا ولاردان باسىم تٷستٸ.
قازاقستانعا جەتٸنشٸ التىن مەدالدٸ 15 جاسقا دەيٸنگٸ جاسٶسپٸرٸمدەر اراسىندا ٶنەر كٶرسەتكەن الدييار جاۋىنباي ەكەلدٸ. ول توعىز ۇپاي جيناپ, بٸرٸنشٸ ورىنعا يە بولدى. بۇل تيتۋل شاحماتشى ٷشٸن تۋعان كٷنگە سىيلىق بولدى. الدييار 21 قازاندا 15 جاسقا تولدى.
FIDE World Championships U7–U17 ەلەم چەمپيوناتى 14–20 قازان ارالىعىندا يسپانييانىڭ المەرييا پروۆينتسيياسىنداعى روكەتاس-دە-مار قالاسىندا ٶتتٸ. جارىسقا 82 ەلدەن 721 شاحماتشى قاتىستى. ناگرادالار 7 مەن 17 جاس ارالىعىنداعى التى جاس ساناتتارىندا ۇلدار مەن قىزدار اراسىندا بٶلەك ساراپقا سالىندى.
قاتىسۋشىلار ەر پارتيياعا 45 مينۋت ۋاقىت بەرٸلٸپ, ەر جٷرٸسكە 30 سەكۋند قوسىلاتىن ۋاقىتپەن شۆەيتسارييالىق جٷيە بويىنشا 11 كەزەڭ وينادى. بۇل قىسقارتىلعان كلاسسيكالىق باقىلاۋ جارىستى التى ويىن كٷنٸ ٸشٸندە ٶتكٸزۋگە مٷمكٸندٸك بەردٸ.
قازاقستاندىق شاحماتشىلار ٶتكەن جىلعى نەتيجەلەرٸن جاقسارتتى. سەربييانىڭ ۆرنياچكا-بانيا قالاسىندا 2025 جىلى ٶتكەن وسىنداي ەلەم چەمپيوناتىندا ولار سەگٸز ماراپاتقا قول جەتكٸزگەن ەدٸ: تٶرت التىن, ٷش كٷمٸس جەنە بٸر قولا. بيىل يسپانييادا مەدالدار سانى 13-كە, ال چەمپيوندىق اتاقتار سانى تٶرتتەن جەتٸگە دەيٸن ارتتى.
