Qazaqstandyq boksshy Zarina Tolybai U19 sanatyndaǵy álem chempionatynda top jaryp, altyn medal jeńip aldy, dep habarlaidy ult.kz.
Qazaqstan boks federatsiiasynyń málimetinshe, Chernogoriianyń Býdva qalasynda World Boxing uiymynyń uiymdastyrýymen ótip jatqan álem birinshiliginiń finalynda otandasymyz asa aýyr salmaqta synǵa tústi.
Sheshýshi jekpe-jekte Zarina Resei ókili Samira Itonievamen kezdesip, tóreshilerdiń 4:1 esebimen jeńiske jetti.
Qazaqstandyq sportshy finalǵa deiin de senimdi óner kórsetti. Shirek finalda Tývalý ókili Frentsis Taafakini ekinshi raýndta tehnikalyq nokaýtpen jeńse, jartylai finalda túrkiialyq Mirei Dogrýdan 5:0 esebimen basym tústi.
Aita keteiik, Zarina Tolybai biyl shilde aiynda Indoneziia astanasy Djakartada ótken U19 sanatyndaǵy Aziia chempionatynda da qarsylastarynan ozyp, chempion atanǵan bolatyn. Endi otandasymyz qurlyqtaǵy jeńisin álemdik altynmen tolyqtyrdy.
