استانادا تۇرعىن ٷي سالۋعا قاراجات جيناپ, 292 ٷلەسكەرگە 4 ملرد تەڭگەدەن استام شىعىن كەلتٸردٸ دەگەن كٷدٸككە ٸلٸنگەن 45 جاستاعى ەر ادام شىمكەنتتە ۇستالدى. ول حالىقارالىق ٸزدەۋدە بولعان, دەپ حابارلايدى ult.kz.
Polisia.kz مەلٸمەتٸنشە, كٷدٸكتٸ بٸر توپ اداممەن بٸرگە ازاماتتاردىڭ سەنٸمٸنە كٸرٸپ, استانادا كٶپقاباتتى تۇرعىن ٷي كەشەنٸن سالۋعا اقشا تارتقان. الايدا قۇرىلىس جۇمىستارى قاجەتتٸ رۇقسات قۇجاتتارىنسىز جەنە مەملەكەتتٸك ساراپتامانىڭ وڭ قورىتىندىسىنسىز جٷرگٸزٸلگەن.
قىلمىستىق ٸس اياسىندا 292 ٷلەسكەردٸڭ زارداپ شەككەنٸ انىقتالدى. ال كەلتٸرٸلگەن جالپى شىعىن 4 ملرد تەڭگەدەن اسادى.
جەدەل-ٸزدەستٸرۋ شارالارى بارىسىندا كٷدٸكتٸنٸڭ ۇزاق ۋاقىت بويى شىمكەنتتە بوي تاسالاپ جٷرگەنٸ بەلگٸلٸ بولعان. ول قۇقىق قورعاۋ ورگاندارىنان جاسىرىنۋ ٷشٸن جالدامالى پەتەرلەرٸن جيٸ اۋىستىرىپ وتىرعان.
قازٸرگٸ ۋاقىتتا ەر ادام ۋاقىتشا ۇستاۋ يزولياتورىنا قامالدى.
