بٸر كٷندٸك ساۋدا بارىسىندا مىڭ توننادان استام ازىق-تٷلٸك ساتىلىپ, 140 ساۋدا ورنى ۇيىمداستىرىلدى. ٶڭٸردٸڭ تٷكپٸر-تٷكپٸرٸنەن كەلگەن ونداعان اۋىل شارۋاشىلىعى تاۋارىن ٶندٸرۋشٸ ٶز ٶنٸمدەرٸن ەلوردا تۇرعىندارىنا ۇسىندى. وسىلايشا, اقمولا وبلىسى استاناداعى اۋىل شارۋاشىلىعى جەرمەڭكەلەرٸنٸڭ ماۋسىمىن قورىتىندىلادى.
ساۋدا سٶرەلەرٸنەن كٷندەلٸكتٸ تۇتىناتىن ازىق-تٷلٸكتٸڭ بارلىق تٷرٸن دەرلٸك تابۋعا بولادى. اتاپ ايتقاندا, ەت, بالىق, سٷت ٶنٸمدەرٸ, ۇن, جارما, ٶسٸمدٸك مايى, كارتوپ, كٶكٶنٸستەر مەن جۇمىرتقا ساتىلدى. سونىمەن قاتار ەلورداعا 350 مىڭ دانا جۇمىرتقا جەتكٸزٸلدٸ. جالپى, ساتىپ الۋشىلارعا 50-دەن استام تٷرلٸ ٶنٸم ۇسىنىلدى. باعالار نارىقتاعى ورتاشا قۇننان 10-15 پايىزعا تٶمەن بولدى.
جەرمەڭكەگە ٶڭٸرگە جاقسى تانىس «رودينا», «Burabay Milk», «بيجان», «ماكينسك قۇس فابريكاسى», «اقكٶل قۇس», «يجەۆسكيي» جەنە باسقا دا كەسٸپورىنداردىڭ ٶنٸمدەرٸ قويىلدى. ساۋداعا وبلىستىڭ 17 اۋدانىنان, سونداي-اق كٶكشەتاۋ, قوسشى جەنە ستەپنوگور قالالارىنان كەلگەن شارۋاشىلىقتار قاتىستى.
ساۋدا-ساتتىق كونتسەرتتٸك باعدارلامامەن جەنە ٶڭٸردٸڭ سالت-دەستٷرٸمەن تانىستىرۋ شارالارىمەن قاتار ٶتتٸ. كەلۋشٸلەر قازاق باتىرىنىڭ بەينەسٸندە سۋرەتكە تٷسٸپ, ۇلتتىق ويىندارعا قاتىسىپ, ECO Birlik ەكولوگييالىق اكتسيياسىنا قوسىلا الدى. «تازا قازاقستان» باستاماسى اياسىندا قوناقتار پلاستيك قالدىقتارىن تاپسىرىپ, ەستەلٸك سىيلىقتارعا يە بولدى. ال اقمولالىق ۆولونتەرلەر ساتىپ الۋشىلارعا اۋىر سٶمكەلەرٸن كٶتەرٸسٸپ, العان زاتتارىن كٶلٸككە دەيٸن جەتكٸزۋگە كٶمەكتەستٸ.
دەگەنمەن ٶڭٸردٸڭ ەلوردانىڭ ازىق-تٷلٸك نارىعىنداعى ماڭىزى جەرمەڭكە اياسىنداعى جەتكٸزٸلٸمدەرمەن عانا شەكتەلمەيدٸ. بٷگٸندە اقمولا وبلىسى استانانىڭ سٷت ٶنٸمدەرٸنە دەگەن قاجەتتٸلٸگٸنٸڭ شامامەن 40 پايىزىن, ەتكە دەگەن سۇرانىسىنىڭ 30 پايىزعا جۋىعىن جەنە تاعامدىق جۇمىرتقاعا قاجەتتٸلٸگٸنٸڭ 80 پايىزىن قامتاماسىز ەتەدٸ. بۇل كٶرسەتكٸشتەر ٶڭٸردەگٸ اۋىل شارۋاشىلىعى ەلەۋەتٸنٸڭ جوعارى ەكەنٸن جەنە قايتا ٶڭدەۋ كەسٸپورىندارىنىڭ تۇراقتى جۇمىس ٸستەپ جاتقانىن كٶرسەتەدٸ.
ٶڭٸر بيلٸگٸ بۇل ەلەۋەتتٸ ودان ەرٸ ارتتىرۋدى كٶزدەپ وتىر. پەرسپەكتيۆالى باعىتتاردىڭ بٸرٸ – ەتتٸ مال شارۋاشىلىعىن دامىتۋ. پرەزيدەنت قاسىم-جومارت توقاەۆ ٶزٸنٸڭ جولداۋىندا ەرەيمەنتاۋ اۋدانىندا ەت كلاستەرٸن قۇرۋعا نازار اۋدارعان بولاتىن. جوبا اياسىندا ەرقايسىسى 20 مىڭ باس ٸرٸ قارا مالعا ارنالعان ٷش اسىل تۇقىمدى مال ٶسٸرۋ رەپرودۋكتورى, 30 مىڭ باسقا ارنالعان بورداقىلاۋ الاڭى جەنە 300-گە جۋىق فەرمەرلٸك شارۋاشىلىق بٸرٸكتٸرٸلەدٸ.
«بٷگٸندە الدىمىزعا ەلوردانى ازىق-تٷلٸكپەن قامتاماسىز ەتۋ شەڭبەرٸنەن شىعۋ مٸندەتٸن قويىپ وتىرمىز. اقمولا وبلىسى ٶندٸرٸس كٶلەمٸن ۇلعايتىپ, قازاقستاننىڭ ٶزگە ٶڭٸرلەرٸنە جەتكٸزٸلٸمدەردٸ كەڭەيتۋٸ كەرەك. وسى ماقساتتا مال شارۋاشىلىعىن دامىتىپ, اسىل تۇقىمدى مال ەكەلٸپ, فەرمەرلٸك شارۋاشىلىقتاردى قولداپ كەلەمٸز. «بەرەكە» باعدارلاماسى اياسىندا وبلىسىمىز العاشقىلاردىڭ بٸرٸ بولىپ قارجىلاندىرۋعا يە بولىپ, بٶلٸنگەن قاراجات كٶلەمٸ بويىنشا كٶش باستادى. مۇنداي جوبالاردى قولداۋ وتاندىق ەت ٶندٸرٸسٸن ارتتىرىپ, ەلٸمٸزدٸڭ ازىق-تٷلٸك قاۋٸپسٸزدٸگٸن نىعايتۋعا مٷمكٸندٸك بەرەدٸ», – دەدٸ اقمولا وبلىسىنىڭ ەكٸمٸ مارات احمەتجانوۆ.
سونىمەن قاتار ٶڭٸردە سٷت ٶندٸرٸسٸن ۇلعايتۋ جۇمىستارى جٷرگٸزٸلٸپ جاتىر. سوڭعى ٷش جىلدا جالپى قۋاتتىلىعى 5,8 مىڭ باسقا ارنالعان التى سٷت-تاۋار فەرماسى اشىلدى. 2026-2028 جىلدارى تاعى التى فەرمانى سالۋ جوسپارلانعان. بولجام بويىنشا, 2030 جىلعا قاراي اۋىل شارۋاشىلىعى كەسٸپورىندارىندا ٶندٸرٸلەتٸن تاۋارلىق سٷت كٶلەمٸ ەكٸ ەسەگە جۋىق ارتادى.
قازٸردٸڭ ٶزٸندە ەلوردانى ازىق-تٷلٸكپەن قامتاماسىز ەتۋدە ماڭىزدى ورىن الاتىن اقمولا وبلىسى مال شارۋاشىلىعى مەن قايتا ٶڭدەۋ سالالارىن دامىتۋ ارقىلى قازاقستاندىق نارىقتاعى ٷلەسٸن ودان ەرٸ ارتتىرۋدى كٶزدەپ وتىر.
