قىزىلوردا وبلىسىندا 16 جىل بويى بٸر كەسٸپورىندا باقىلاۋشى-مەحانيك بولىپ ەڭبەك ەتكەن ازامات جۇمىس بەرۋشٸنٸڭ زاڭسىز تەرتٸپتٸك جازاسىنا قاتىستى سوتتا جەڭٸسكە جەتتٸ, دەپ حابارلايدى ult.kz.
وبلىستىق سوتتىڭ باسپاسٶز قىزمەتٸنٸڭ مەلٸمەتٸنشە, ازامات كەسٸپورىننىڭ ەلەۋمەتتٸك مەسەلەلەر جٶنٸندەگٸ كەڭەسٸندە سول كەزدەگٸ كەسٸپوداق كوميتەتٸنٸڭ تٶراعاسى رەتٸندە جۇمىسشىلاردىڭ ەڭبەك جەنە ەلەۋمەتتٸك مەسەلەلەرٸنە قاتىستى پٸكٸر بٸلدٸرگەن.
الايدا وسى جيىننان كەيٸن جۇمىس بەرۋشٸ ونى كەسٸپورىننىڭ قۇپييا اقپاراتىن جارييالادى دەپ ايىپتاپ, قاتاڭ سٶگٸس جارييالاعان.
بۇيرىقپەن كەلٸسپەگەن ازامات كەلٸسۋ كوميسسيياسىنا جٷگٸنگەن. بٸراق كوميسسييا مٷشەلەرٸنٸڭ داۋىسى تەڭ تٷسكەندٸكتەن, وعان داۋدى سوت ارقىلى شەشۋ قۇقىعى تٷسٸندٸرٸلگەن.
مەملەكەتتٸك ەڭبەك ينسپەكتسيياسى دا جۇمىس بەرۋشٸنٸڭ ەڭبەك زاڭناماسىن بۇزعانىن انىقتاپ, زاڭبۇزۋشىلىقتاردى جويۋ تۋرالى ۇيعارىم شىعارعان.
سوتتا ازاماتتىڭ قۇپييا اقپاراتپەن جۇمىس ٸستەۋگە رۇقساتى بولماعانى, ال جارييالاندى دەلٸنگەن مەلٸمەتتەردٸڭ زاڭمەن قورعالاتىن قۇپييا اقپارات ەكەنٸ دەلەلدەنبەگەنٸ انىقتالدى. سونىمەن قاتار قىزمەتتٸك تەكسەرۋ قورىتىندىسىندا ناقتى قانداي اقپاراتتىڭ كٸمگە جەنە قانداي جاعدايدا جارييالانعانى كٶرسەتٸلمەگەن.
بۇعان قوسا, قىزمەتكەردٸڭ ەرەكەتٸنەن كەسٸپورىنعا ەشقانداي زالال كەلمەگەنٸ بەلگٸلٸ بولدى.
وسى مەن-جايلاردى ەسكەرگەن سوت تەرتٸپتٸك تەرٸس قىلىقتىڭ دەلەلدەنبەگەنٸ تۋرالى قورىتىندىعا كەلٸپ, قاتاڭ سٶگٸس جارييالاۋ تۋرالى بۇيرىقتى زاڭسىز دەپ تانىپ, كٷشٸن جويدى.
قىزىلوردا وبلىستىق سوتىنىڭ ازاماتتىق ٸستەر جٶنٸندەگٸ سوت القاسى بٸرٸنشٸ ساتىداعى سوت شەشٸمٸن ٶزگەرٸسسٸز قالدىردى.
