قاراعاندىدا اۋلاداعى قاقپاعى اشىق قۇدىققا تٷسٸپ, كٶلٸگٸن زاقىمداعان جٷرگٸزۋشٸ سوت ارقىلى 597 مىڭ تەڭگە ٶتەماقى ٶندٸرٸپ الدى. سوت قالالىق قۇرىلىس بٶلٸمٸن شىعىندى ٶتەۋگە مٸندەتتەدٸ, دەپ حابارلايدى ult.kz.
وقيعا بيىل ناۋرىزدا تۇرعىن ٷيلەردٸڭ بٸرٸنٸڭ اۋلاسىندا بولعان. قۇدىقتىڭ اينالاسىندا قورشاۋ دا, ەسكەرتۋ بەلگٸسٸ دە بولماعان. سالدارىنان كٶلٸك زاقىمدانىپ, ونى جٶندەۋگە 597 مىڭ تەڭگە جۇمسالعان.
جٷرگٸزۋشٸ قالالىق قۇرىلىس بٶلٸمٸ مەن جىلۋمەن قامتۋ مەكەمەسٸنەن ٶتەماقى تالاپ ەتٸپ, سوتقا جٷگٸنگەن. سوت فوتو-بەينەماتەريالدار مەن جٶندەۋ شىعىندارىن راستايتىن قۇجاتتاردى زەرتتەپ, جاۋاپكەرشٸلٸكتٸ قالالىق قۇرىلىس بٶلٸمٸنە جٷكتەدٸ.
نەتيجەسٸندە جٷرگٸزۋشٸنٸڭ تالابى قاناعاتتاندىرىلىپ, 597 مىڭ تەڭگە ٶندٸرۋ تۋرالى شەشٸم شىعارىلدى. ال جىلۋمەن قامتۋ مەكەمەسٸنە قاتىستى تالاپ قابىلدانبادى.
