Qaraǵandyda aýladaǵy qaqpaǵy ashyq qudyqqa túsip, kóligin zaqymdaǵan júrgizýshi sot arqyly 597 myń teńge ótemaqy óndirip aldy. Sot qalalyq qurylys bólimin shyǵyndy óteýge mindettedi, dep habarlaidy ult.kz.
Oqiǵa biyl naýryzda turǵyn úilerdiń biriniń aýlasynda bolǵan. Qudyqtyń ainalasynda qorshaý da, eskertý belgisi de bolmaǵan. Saldarynan kólik zaqymdanyp, ony jóndeýge 597 myń teńge jumsalǵan.
Júrgizýshi qalalyq qurylys bólimi men jylýmen qamtý mekemesinen ótemaqy talap etip, sotqa júgingen. Sot foto-beinematerialdar men jóndeý shyǵyndaryn rastaityn qujattardy zerttep, jaýapkershilikti qalalyq qurylys bólimine júktedi.
Nátijesinde júrgizýshiniń talaby qanaǵattandyrylyp, 597 myń teńge óndirý týraly sheshim shyǵaryldy. Al jylýmen qamtý mekemesine qatysty talap qabyldanbady.
