Kókshetaýdaǵy turǵyn úilerdiń biriniń jertólesinen Aqmola oblystyq sotynyń ishki qaýipsizdik bóliminiń qyzmetkeri óli tabyldy, dep habarlaidy ult.kz.
region03.kz málimetinshe, óńirlik politsiia departamenti oqiǵa deregin rastady. Atalǵan fakti boiynsha qylmystyq is qozǵalǵan.
«Óz-ózine qol jumsaý deregi boiynsha qylmystyq is qozǵaldy. Qazir tergeý amaldary júrgizilip jatyr. Oqiǵanyń barlyq mán-jaiy anyqtalyp jatyr», – dep habarlady Aqmola oblystyq politsiia departamentiniń ókilderi.
Sońǵy bir jarym aida Kókshetaýda sot júiesiniń eki qyzmetkeri qaza tapty.
Buǵan deiin, qyrkúiek aiynda Kókshetaý qalalyq soty ákimshiliginiń 27 jastaǵy basshysy Aian Dúisekovtiń qaitys bolǵany habarlanǵan edi. Sol kezde marqumnyń týystary onyń jumys ornynda qysymǵa ushyraǵan bolýy múmkin ekenin aitqan. Olardyń boljamynsha, buǵan Dúisekovtiń sot júiesindegi sybailas jemqorlyq týraly málimetterden habardar bolýy sebep bolýy yqtimal.
Alaida Sot ákimshiligi bul aiyptaýlardy joqqa shyǵardy. Dúisekovtiń ólimine bailanysty «Ózin-ózi óltirýge deiin jetkizý» baby boiynsha qylmystyq is qozǵalǵan.
Sot júiesi qyzmetkerleriniń eki óliminiń arasynda bailanys bar-joǵy ázirge belgisiz. Bul máseleni tergeý anyqtaidy.
