Qazaqstan quqyq qorǵaý organdary «Pin-Up» býkmekerlik keńsesiniń ieleri Dmitrii Pýnin men Marina Ilinany izdeýge jariialady. Qarjylyq monitoring agenttiginiń (QMA) málimetinshe, olar Qazaqstan aýmaǵynda zańsyz onlain-kazino jumysyn uiymdastyrǵan negizgi tulǵalar bolyp sanalady, dep habarlaidy ult.kz.
Bul qadam bir jyldan astam ýaqytqa sozylǵan tergeýdiń jalǵasy boldy. 2025 jyldyń basynda The Gambler Telegram-arnasy kólemdi maqala jariialap, onda Qazaqstanda resmi tirkelgen «Pin-Up» býkmekerlik keńsesi oiynshylardy elimizde tyiym salynǵan onlain-kazino saittaryna baǵyttaityny týraly tujyrym jasaǵan edi.
Keiin bul aqparat Qarjylyq monitoring agenttiginiń nazaryn aýdardy. Agenttik zańsyz oiyn biznesin uiymdastyrý deregi boiynsha qylmystyq is tirkep, tergeý aiasynda ekinshi deńgeili bankterdiń qyzmetkerlerin ustaýǵa kiristi. Tergeý nusqasyna sáikes, olar shetel azamattaryna aqshany zańsyz jolmen shetelge shyǵarýǵa kómektesken. Jalpy alǵanda, qazaqstandyq azamattar bul shema aiasynda 100 milliard teńgeden astam qarajat utylǵan.
Keiin bul shemany Qazaqstanǵa arnaiy ushyp kelgen Ýkraina azamattary Dmitrii Drýjinskii men Marina Levkovich-Ginzbýrg uiymdastyrǵany anyqtalǵany aityldy. Olarǵa qazaqstandyq IT mamandary men qarjygerler kómektesken. Qazir birneshe adam qamaýǵa alynyp, Ýkraina azamattary izdeýge jariialanǵan.
Alaida tergeýdiń negizgi paida alýshylaryna qatysty suraq ashyq qalǵan edi. «Pin-Up» kompaniiasy Kiprde turatyn Resei azamaty Dmitrii Pýnin men onyń jubaiy Marina Ilinaǵa tiesili.
Endi Bas prokýratýranyń Quqyqtyq statistika jáne arnaiy esepke alý jónindegi komiteti portalynda Dmitrii Pýnin men Marina Ilinanyń derekteri jariialandy. Ekeýi de halyqaralyq izdeýge berilgen.
Oqiǵanyń budan keiin qalai órbitini ázirge belgisiz. Avtordyń pikirinshe, Qazaqstan tarihynda iri halyqaralyq gembling platformalarynyń ielerin izdeýge jariialaý jaǵdaiy alǵash ret oryn alyp otyr.
