Akter Oljas Abai áleýmettik jelidegi paraqshasynda «Sońyra» filmine qatysty oiymen bólisti. Ol týyndyny jaǵymsyz haip arqyly emes, jyly sezimmen tanystyrǵysy keletinin jetkizdi, dep habarlaidy ult.kz.

Akterdiń aitýynsha, áńgime barysynda adamǵa keide bir aýyz jyly sózdiń jetispeitini týraly oi túigen. Ol jańa filmniń kórermenge áser etetinine senimdi ekenin de jasyrmady.

«Tilektes bolǵan sizderdi jaman kinomen uiatqa qaldyrmaimyz, jan dúnieńizge mindetti túrde áser qaldyratynyna óz basym senimdimin», – dep jazdy Oljas Abai.

Óner iesi bul jolǵy jarnamada negativ týdyratyn áreketterge júgingisi kelmeitinin atap ótti. Jazbasynda filmdi kópshilikke mahabbatpen, jaqsy kóńil kúimen usynýdy kózdep otyrǵanyn aitty.

Aita keteiik, Oljas Abai málimdeme jasady. 
 

Oljas Abai kim?

Oljas Abai — qazaqstandyq akter ári ánshi, kópshilikke «Ochoý» laqap atymen de tanys. Ol 1991 jylǵy 8 shildede dúniege kelgen. 2011 jyly Temirbek Júrgenov atyndaǵy Qazaq ulttyq óner akademiiasyn akter mamandyǵy boiynsha támamdaǵan. Oqýyn aiaqtaǵannan keiin Ǵabit Músirepov atyndaǵy Qazaq memlekettik akademiialyq balalar men jasóspirimder teatrynda eńbek etken.

Kórermenge «Qara shańyraq» telehikaiasy arqyly tanylǵan. Sondai-aq «Báseke», «Áýlet» jobalaryna qatysqan. Akterlikpen qatar ánshilikpen ainalysyp, beinebaiandar túsirgen.

Suhbattarynyń birinde akterlikti eshbir mamandyqqa aiyrbastai almaitynyn aitqan.