31 qazanda Qazaqstannyń birqatar óńirinde jańbyr men qar jaýyp, tuman túsedi, jel kúsheiedi. Soltústik-shyǵys pen shyǵysta túnde kóktaiǵaq kútiledi, dep habarlaidy ult.kz.
Astanada jaýyn-shashyn bolmaidy: túnde −1…−3, kúndiz +9…+11 gradýs. Almatyda da jaýyn-shashynsyz, túnde +1…+3, kúndiz +12…+14 gradýs bolady. Shymkentte kóshpeli bult shyǵyp, túnde +3…+5, kúndiz +19…+21 gradýsqa deiin jylynady.
Aqmola, Soltústik Qazaqstan jáne Qostanai oblystarynda jaýyn-shashynsyz aýa raiy boljanady, kei jerlerde tuman túsedi. Kúndiz Aqmolada +8…+13, Soltústik Qazaqstanda +7…+12, Qostanaida +10…+15 gradýs bolady. Pavlodar oblysynda túnde jańbyr men qar jaýyp, kóktaiǵaq kútiledi, kúndiz +5…+10 gradýs. Qaraǵandy jáne Ulytaý oblystarynda jaýyn-shashyn bolmaidy, tuman túsedi. Qaraǵandy oblysynyń shyǵysynda jáne Ulytaý oblysynyń shyǵysynda túnde −10 gradýsqa deiin sýytady.
Batys óńirlerde kún birshama jyly bolady: Batys Qazaqstan men Atyraý oblystarynda kúndiz +15…+20, Aqtóbe oblysynda +13…+18 gradýs kútiledi. Bul óńirlerde jaýyn-shashyn boljanbaidy. Mańǵystaý oblysynyń batysy men ońtústiginde jańbyr jaýyp, kúndiz +16…+21 gradýs bolady. Abai oblysynda túnde jańbyr men qar, kóktaiǵaq kútiledi, kúndiz +5…+10 gradýs. Shyǵys Qazaqstanda qar men jańbyr jaýyp, tuman jáne kóktaiǵaq bolady. Kúndiz +1…+6, shyǵysy men taýly aýdandarynda −2 gradýs kútiledi.
Almaty oblysynyń taýlarynda túnde azdaǵan qar jaýady, kúndiz oblysta +10…+15 gradýs bolady. Jetisý oblysynda jaýyn-shashynsyz, kúndiz +10…+15 gradýs, al túnde taýly aýdandarda −11 gradýsqa deiin sýytady. Jambyl oblysynda kúndiz +12…+17 gradýs, taýlarda tuman kútiledi. Túrkistan oblysynyń ońtústigi men taýlarynda kúndiz jańbyr jaýady, aýa temperatýrasy +17…+22 gradýsqa jetedi. Qyzylorda oblysynda jaýyn-shashynsyz, kúndiz +15…+20 gradýs bolady, shyǵysy men ortalyǵynda shańdy daýyl kútiledi.
