Akter Oljas Abai Almatyǵa kelip, kino salasyndaǵy jumysyna kirisetinin aitty. Ol Instagram paraqshasynda aldaǵy josparyn bólisip, podkasttarǵa qatysýǵa da daiyn ekenin jetkizdi, dep habarlaidy ult.kz.

Óner iesiniń sózinshe, Dinaranyń shoýyna qatysqannan keiin ashyq áńgimege degen yqylasy artqan.

«Keshegi Dinara hanymnyń shoýynan keiin kez kelgen podkast áńgimege daiynmyn dep sheshtim, shaqyryńdar», – dep jazdy akter.

Sondai-aq Oljas Abai toiyna deiin kóp jerde óner kórsetýge qulyqty bolmaǵanyn aitty. Alaida kópshiliktiń qoldaýy men aq tilegi oǵan áser etken.

«Endi halyqtyń batasy men tilegi betimdi ashyp jiberdi. Men senderdikimin, halqym», – dep túiindedi ol.

Aita keteiik, Darhan Musaev filminiń kórsetilimi týraly tyń derek aitty.

Oljas Abai kim?

Oljas Abai — qazaqstandyq teatr jáne kino akteri, ánshi. Ol Eskeldi aýdanyndaǵy Nurmolda Aldabergenov aýylynda dúniege kelgen. Óner iesi suhbattarynyń birinde týǵan jeri men shyǵarmashylyq joly týraly aityp, akterlikti basqa mamandyqqa aiyrbastai almaitynyn jetkizgen.

Ol Temirbek Júrgenov atyndaǵy Qazaq ulttyq óner akademiiasyn 2011 jyly drama jáne kino akteri mamandyǵy boiynsha bitirgen. Kinoǵa bet burmas buryn teatr sahnasynda alty jyl óner kórsetip, kásibi tájiribe jinaǵan.

Televiziia kórermenine «Qara shańyraq» telehikaiasy arqyly tanyldy. Keiin «Báseke», «Áýlet» jobalaryna qatysyp, túrli keiipkerlerdi somdady. Onyń filmografiiasynda «Brat ili brak», «Sisitai», «Klasstastar» sekildi týyndylar bar.

Oljas Abai mýzykalyq shyǵarmashylyǵymen de ainalysady. Tyńdarman arasynda «Ochoý» degen laqap atymen belgili. Ánshi suhbatynda «Samsa» ánin bastapqyda dostarynyń arasynda ázil retinde oryndaý úshin shyǵarǵanyn aitqan.

Keiingi kino jumystarynyń qatarynda «Taptym-aý seni» filmi de bar. Bul týyndyda ol Dariǵa Badyqovamen birge basty keiipkerlerdiń birin somdady. 

Film aýylda turatyn, qymyz satýmen ainalysatyn bala kúngi eki dos — Sáýle men Jeksenniń oqiǵasyn baiandaidy.