30 qazandaǵy qolda bar málimet boiynsha, Astana men Almatydaǵy aqsha aiyrbastaý oryndarynda AQSh dollarynyń ortasha satý baǵamy 454–456 teńge aralyǵynda boldy. Eki qalada da dollardyń satyp alý jáne satý baǵasy ártúrli, dep habarlaidy ult.kz.
Astanada dollardy satyp alýdyń ortasha baǵamy 449,06 teńge, al satý baǵamy 456,06 teńgebolǵan. Iaǵni turǵyndar dollaryn aiyrbastaý ornyna orta eseppen 449,06 teńgeden ótkizip, AQSh valiýtasyn 456,06 teńgeden satyp ala alǵan.
Almatyda dollardy satyp alý baǵamy orta eseppen 452,29 teńgeni, satý baǵamy 454,18 teńgeni quraǵan. Osy derekter boiynsha, Almatyda dollardyń satý baǵasy elordaǵa qaraǵanda 1,88 teńgege tómen bolǵan.
Qalalar arasyndaǵy aiyrmashylyq aiyrbastalatyn soma kóbeigen saiyn baiqalady. Máselen, kórsetilgen ortasha baǵammen 1 000 dollar satyp alý Astanada 456 060 teńge, Almatyda 454 180 teńge bolar edi. Aiyrmasy — 1 880 teńge.
Al 1 000 dollaryn teńgege aiyrbastaǵysy kelgen adam Astanada orta eseppen 449 060 teńge, Almatyda 452 290 teńge alar edi. Bul jaǵdaida aiyrmashylyq 3 230 teńgeni quraidy.
Satyp alý men satý baǵamynyń arasyndaǵy alshaqtyq ta eki qalada ártúrli. Astanada ol bir dollarǵa 7 teńge, Almatyda 1,89 teńge bolǵan. Sondyqtan valiýta aiyrbastaǵanda tablodaǵy satyp alý jáne satý baǵandaryn ajyratyp qaraý qajet: «satyp alý» — aiyrbastaý ornynyń turǵynnan valiýtany qabyldaý baǵasy, «satý» — turǵynǵa valiýtany usyný baǵasy.
