Qazaqstan Prezidenti Qasym-Jomart Toqaev 28 qazandaǵy Joldaýynda atalǵan «Halyqtyq qurylys» baǵdarlamasy aiasynda biýdjet qarajatynyń jumsalýyn qadaǵalaityn arnaiy memlekettik komissiia qurýdy usyndy. Memleket basshysy bul týraly óziniń X áleýmettik jelisindegi resmi paraqshasynda málimdedi, dep habarlaidy Ult.kz.
«28 qazan kúni dástúrli Joldaýymda aitqan «Halyqtyq qurylys» baǵdarlamasyn júzege asyrý barysynda biýdjet qarajatynyń jumsalýyn baqylaityn memlekettik komissiia qurý qajet dep sanaimyn. Komissiia quramyna birqatar salalyq vedomstvo basshylary, Quryltai men máslihattar depýtattary, Halyq Keńesiniń músheleri, qoǵam qairatkerleri, belsendiler, volonterler, jýrnalister kiredi», — dep atap ótti Prezident.
Jańa komissiia quramyna salalyq vedomstvo basshylary, Quryltai men máslihat depýtattary, Halyq Keńesiniń músheleri, sondai-aq qoǵam qairatkerleri, belsendiler, volonterler men jýrnalister kiredi. Atalǵan aýqymdy baǵdarlama eldegi infraqurylymdy jańǵyrtýǵa baǵyttalǵan.
