Ánshi Altynai Jorabaeva jubaiynyń ózine kórsetetin qamqorlyǵy týraly aityp, jyly lebizin bildirdi, dep habarlaidy ult.kz.

Óner iesiniń sózinshe, kúieýi ony únemi qymbat syilyqtarmen qýantyp, kóńil bólip otyrady. Ánshi jubaiynyń yqylasy men qamqorlyǵyn baǵalaitynyn jetkizdi.

“Kóligimniń qystyq dóńgelegin aýystyryp qoiypty. Erteń jolǵa shyǵamyn. Jýyp daiyndap qoiǵan. Aitqyzbai isteidi. Mundai kúieý bar ma?”, - dedi ol. 

Jeli qoldanýshylary Altynai Jorabaevaǵa qoldaý bildirip, erli-zaiyptyǵa baqyt tiledi. Sondai-aq ánshiniń jar tańdaýdan qatelespegenin aityp, jubailardyń bir-birine degen syilastyǵyna súisingen.

Aita keteiik, Altynai Jorabaeva kúieýi syilaǵan syilyqtardy kórsetti.

Altynai Jorabaeva kim?

Altynai Qulajanqyzy Jorabaeva — qazaqstandyq estrada ánshisi, Qazaqstannyń eńbek sińirgen qairatkeri. Ol 1978 jylǵy 28 qazanda qazirgi Túrkistan oblysy Tólebi aýdanynyń Beinetkesh aýylynda dúniege kelgen. 1995 jyly mektepti aiaqtap, Qoja Ahmet Iasaýi atyndaǵy Halyqaralyq qazaq-túrik ýniversitetiniń óner fakýltetine oqýǵa túsken.

Ánshi «Aziia daýysy», «Discovery», «Aleksandriia» halyqaralyq baiqaýlarynyń laýreaty atanǵan. 2004 jyly Iýrmalada ótken «Iantar juldyzy» baiqaýynyń bas júldesin jeńip alǵan. Al 2005 jyly AQSh-taǵy oryndaýshylyq sheberliktiń álem chempionatynda eki altyn, eki kúmis medal ielengen.

Onyń shyǵarmashylyq qorjynynda «Armanyma ǵashyqpyn», «Júrshi, sáýlem, aýylǵa», «Elimniń júregi – Astana» albomdary bar. 2004 jyly «Daryn» memlekettik jastar syilyǵyn, 2006 jyly «Qazaqstannyń eńbek sińirgen qairatkeri» qurmetti ataǵyn alǵan.