ەنشٸ التىناي جوراباەۆا جۇبايىنىڭ ٶزٸنە كٶرسەتەتٸن قامقورلىعى تۋرالى ايتىپ, جىلى لەبٸزٸن بٸلدٸردٸ, دەپ حابارلايدى ult.kz.

ٶنەر يەسٸنٸڭ سٶزٸنشە, كٷيەۋٸ ونى ٷنەمٸ قىمبات سىيلىقتارمەن قۋانتىپ, كٶڭٸل بٶلٸپ وتىرادى. ەنشٸ جۇبايىنىڭ ىقىلاسى مەن قامقورلىعىن باعالايتىنىن جەتكٸزدٸ.

“كٶلٸگٸمنٸڭ قىستىق دٶڭگەلەگٸن اۋىستىرىپ قويىپتى. ەرتەڭ جولعا شىعامىن. جۋىپ دايىنداپ قويعان. ايتقىزباي ٸستەيدٸ. مۇنداي كٷيەۋ بار ما?”, - دەدٸ ول. 

جەلٸ قولدانۋشىلارى التىناي جوراباەۆاعا قولداۋ بٸلدٸرٸپ, ەرلٸ-زايىپتىعا باقىت تٸلەدٸ. سونداي-اق ەنشٸنٸڭ جار تاڭداۋدان قاتەلەسپەگەنٸن ايتىپ, جۇبايلاردىڭ بٸر-بٸرٸنە دەگەن سىيلاستىعىنا سٷيسٸنگەن.

ايتا كەتەيٸك, التىناي جوراباەۆا كٷيەۋٸ سىيلاعان سىيلىقتاردى كٶرسەتتٸ.

التىناي جوراباەۆا كٸم?

التىناي قۇلاجانقىزى جوراباەۆا — قازاقستاندىق ەسترادا ەنشٸسٸ, قازاقستاننىڭ ەڭبەك سٸڭٸرگەن قايراتكەرٸ. ول 1978 جىلعى 28 قازاندا قازٸرگٸ تٷركٸستان وبلىسى تٶلەبي اۋدانىنىڭ بەينەتكەش اۋىلىندا دٷنيەگە كەلگەن. 1995 جىلى مەكتەپتٸ اياقتاپ, قوجا احمەت ياساۋي اتىنداعى حالىقارالىق قازاق-تٷرٸك ۋنيۆەرسيتەتٸنٸڭ ٶنەر فاكۋلتەتٸنە وقۋعا تٷسكەن.

ەنشٸ «ازييا داۋىسى», «Discovery», «الەكساندرييا» حالىقارالىق بايقاۋلارىنىڭ لاۋرەاتى اتانعان. 2004 جىلى يۋرمالادا ٶتكەن «يانتار جۇلدىزى» بايقاۋىنىڭ باس جٷلدەسٸن جەڭٸپ العان. ال 2005 جىلى اقش-تاعى ورىنداۋشىلىق شەبەرلٸكتٸڭ ەلەم چەمپيوناتىندا ەكٸ التىن, ەكٸ كٷمٸس مەدال يەلەنگەن.

ونىڭ شىعارماشىلىق قورجىنىندا «ارمانىما عاشىقپىن», «جٷرشٸ, سەۋلەم, اۋىلعا», «ەلٸمنٸڭ جٷرەگٸ – استانا» البومدارى بار. 2004 جىلى «دارىن» مەملەكەتتٸك جاستار سىيلىعىن, 2006 جىلى «قازاقستاننىڭ ەڭبەك سٸڭٸرگەن قايراتكەرٸ» قۇرمەتتٸ اتاعىن العان.