كٶكشەتاۋداعى تۇرعىن ٷيلەردٸڭ بٸرٸنٸڭ جەرتٶلەسٸنەن اقمولا وبلىستىق سوتىنىڭ ٸشكٸ قاۋٸپسٸزدٸك بٶلٸمٸنٸڭ قىزمەتكەرٸ ٶلٸ تابىلدى, دەپ حابارلايدى ult.kz.
region03.kz مەلٸمەتٸنشە, ٶڭٸرلٸك پوليتسييا دەپارتامەنتٸ وقيعا دەرەگٸن راستادى. اتالعان فاكتٸ بويىنشا قىلمىستىق ٸس قوزعالعان.
«ٶز-ٶزٸنە قول جۇمساۋ دەرەگٸ بويىنشا قىلمىستىق ٸس قوزعالدى. قازٸر تەرگەۋ امالدارى جٷرگٸزٸلٸپ جاتىر. وقيعانىڭ بارلىق مەن-جايى انىقتالىپ جاتىر», – دەپ حابارلادى اقمولا وبلىستىق پوليتسييا دەپارتامەنتٸنٸڭ ٶكٸلدەرٸ.
سوڭعى بٸر جارىم ايدا كٶكشەتاۋدا سوت جٷيەسٸنٸڭ ەكٸ قىزمەتكەرٸ قازا تاپتى.
بۇعان دەيٸن, قىركٷيەك ايىندا كٶكشەتاۋ قالالىق سوتى ەكٸمشٸلٸگٸنٸڭ 27 جاستاعى باسشىسى ايان دٷيسەكوۆتٸڭ قايتىس بولعانى حابارلانعان ەدٸ. سول كەزدە مارقۇمنىڭ تۋىستارى ونىڭ جۇمىس ورنىندا قىسىمعا ۇشىراعان بولۋى مٷمكٸن ەكەنٸن ايتقان. ولاردىڭ بولجامىنشا, بۇعان دٷيسەكوۆتٸڭ سوت جٷيەسٸندەگٸ سىبايلاس جەمقورلىق تۋرالى مەلٸمەتتەردەن حاباردار بولۋى سەبەپ بولۋى ىقتيمال.
الايدا سوت ەكٸمشٸلٸگٸ بۇل ايىپتاۋلاردى جوققا شىعاردى. دٷيسەكوۆتٸڭ ٶلٸمٸنە بايلانىستى «ٶزٸن-ٶزٸ ٶلتٸرۋگە دەيٸن جەتكٸزۋ» بابى بويىنشا قىلمىستىق ٸس قوزعالعان.
سوت جٷيەسٸ قىزمەتكەرلەرٸنٸڭ ەكٸ ٶلٸمٸنٸڭ اراسىندا بايلانىس بار-جوعى ەزٸرگە بەلگٸسٸز. بۇل مەسەلەنٸ تەرگەۋ انىقتايدى.
