Batys Qazaqstan oblysynda jumystan zańsyz bosatylǵan qutqarýshy sot arqyly qyzmetine qaita ornalasyp, 2,3 mln teńgeden astam ótemaqy óndirdi, dep habarlaidy ult.kz.
Oral qalasynyń №2 soty qutqarýshynyń jumystan zańsyz bosatý týraly talap qoiýyn qanaǵattandyrdy.
BQO sotynyń baspasóz qyzmetiniń málimetinshe, mekeme qyzmetkerdi jumys ornynda úsh saǵattan astam ýaqyt bolmaǵany úshin jumystan shyǵarǵan.
Alaida jumys berýshi tártiptik jaza qoldanar aldynda qyzmetkerden jazbasha túsinikteme talap etý jónindegi zańdy mindetin oryndamaǵan.
Sot jumys berýshiniń bul áreketi eńbek zańnamasynyń talaptaryna qaishy keledi degen qorytyndyǵa kelip, jumystan bosatý týraly buiryqty zańsyz dep tanydy.
Nátijesinde qyzmetker burynǵy laýazymyna qaita ornalastyryldy. Sondai-aq onyń paidasyna májbúrli bos júrgen ýaqyty úshin 2 mln 315 myń 515 teńge ortasha jalaqy jáne ókildiń kómegine aqy tóleý shyǵystary retinde 350 myń teńge óndirildi.
Sot sheshimi ázirge zańdy kúshine engen joq.
