Ánshi Tóreǵali Tóreáli Mekkede jubaiy Tolqyn Turarbekqyzyna júrekjardy sózin arnap, oǵan ómir boiy adal bolǵysy keletinin aitty, dep habarlaidy ult.kz.
Óner iesi Ál-Haram meshiti kórinetin taý basynda turyp, jaryna degen mahabbatyn jetkizgen. Ol jubaiyn Allanyń amanaty dep biletinin aityp, sezimin bildirýden jalyqpaitynyn jetkizdi.
«Paiǵambarymyz áieline degen mahabbatyn jasyrmaǵan. Men de seni jaqsy kóretinimdi aitýdan eshqashan jalyqpaimyn. Alla seni amanat qylyp bergen. Endi sol amanatqa ómir boiy adal bolǵym keledi», – dedi ánshi.
Tóreǵalidiń bul sózi jubaiyna degen yqylasy men otbasy aldyndaǵy jaýapkershiligin sezinetinin ańǵartty.
Aita keteiik, Tóreǵali Tóreáliniń jańa jazbasy qyzý talqyǵa tústi.
Tóreǵali Tóreáli kim?
Tóreǵali Tóreáli — qazaqstandyq estrada ánshisi, aqyn ári akter. Ol 1992 jylǵy 14 qazanda Qyzylorda oblysynyń Baiqońyr qalasynda dúniege kelgen. Óner jolyn aitystan bastap, keiin estradaǵa bet burǵan. Tyńdarman arasynda «Uly dala balasy» degen atpen tanymal. Repertýarynda mahabbat, týǵan jer jáne otbasy taqyrybyndaǵy ánder bar.
Ánshi Erke Esmahanmen birge oryndaǵan «Allo» áni arqyly keńinen tanyldy. Kontserttik baǵdarlamalarymen qatar, beinebaiandar men kino jobalaryna da qatysqan.
Jubaiy — Tolqyn Turarbekqyzy. Óner iesi áleýmettik jelidegi paraqshasynda shyǵarmashylyǵy men otbasylyq ómirinen sátter bólisip turady.
