Әнші Төреғали Төреәлі Меккеде жұбайы Толқын Тұрарбекқызына жүрекжарды сөзін арнап, оған өмір бойы адал болғысы келетінін айтты, деп хабарлайды ult.kz.
Өнер иесі Әл-Харам мешіті көрінетін тау басында тұрып, жарына деген махаббатын жеткізген. Ол жұбайын Алланың аманаты деп білетінін айтып, сезімін білдіруден жалықпайтынын жеткізді.
«Пайғамбарымыз әйеліне деген махаббатын жасырмаған. Мен де сені жақсы көретінімді айтудан ешқашан жалықпаймын. Алла сені аманат қылып берген. Енді сол аманатқа өмір бойы адал болғым келеді», – деді әнші.
Төреғалидің бұл сөзі жұбайына деген ықыласы мен отбасы алдындағы жауапкершілігін сезінетінін аңғартты.
Айта кетейік, Төреғали Төреәлінің жаңа жазбасы қызу талқыға түсті.
Төреғали Төреәлі кім?
Төреғали Төреәлі — қазақстандық эстрада әншісі, ақын әрі актер. Ол 1992 жылғы 14 қазанда Қызылорда облысының Байқоңыр қаласында дүниеге келген. Өнер жолын айтыстан бастап, кейін эстрадаға бет бұрған. Тыңдарман арасында «Ұлы дала баласы» деген атпен танымал. Репертуарында махаббат, туған жер және отбасы тақырыбындағы әндер бар.
Әнші Ерке Есмаханмен бірге орындаған «Алло» әні арқылы кеңінен танылды. Концерттік бағдарламаларымен қатар, бейнебаяндар мен кино жобаларына да қатысқан.
Жұбайы — Толқын Тұрарбекқызы. Өнер иесі әлеуметтік желідегі парақшасында шығармашылығы мен отбасылық өмірінен сәттер бөлісіп тұрады.
