Almatynyń Boraldai shaǵynaýdanyndaǵy Azat kóshesi, 23-úidiń janynda turǵyndardyń demalýyna arnalǵan jańa qoǵamdyq keńistik paida boldy, dep habarlaidy ult.kz.
Skver «Halyq qatysatyn biýdjet» baǵdarlamasy aiasynda kórkeitildi. Bul baǵdarlama qala turǵyndaryna qalalyq ortany jaqsartýǵa baǵyttalǵan jobasyn usynýǵa múmkindik beredi.
Aýmaqta kúrkeler men oryndyqtar ornatylyp, shahmat oinaýǵa arnalǵan arnaiy aimaq jasaqtaldy. Sondai-aq kógal tóselip, jasyl aimaq jasaldy. Keshki ýaqytta jaily demalý úshin kóshe jaryqtandyrý júiesi qarastyrylǵan.
Biyl kúzde munda biiktigi 3-4 metr bolatyn shyrshalar egý de josparlanyp otyr.
Endi shaǵynaýdan turǵyndarynyń taza aýada serýendep, otbasymen demalyp, ózara aralasýyna taǵy bir jaily oryn paida boldy.
Jalpy, 2026 jyly Almatynyń Alataý aýdanynda «Halyq qatysatyn biýdjet» baǵdarlamasy aiasynda kórkeitý boiynsha 43 joba júzege asyrylyp jatyr.
Baǵdarlamaǵa qatysý úshin ótinimdi https://budget.open-almaty.kz/ saity arqyly berýge bolady.
