Erteń, 2 qarashada Qazaqstannyń basym bóliginde jaýyn-shashyn bolmaidy. Alaida soltústik pen shyǵysta, ońtústik-shyǵystyń taýly aýdandarynda jańbyr men qar jaýýy múmkin, dep habarlaidy ult.kz.
Astanada kún ala bultty, jaýyn-shashynsyz bolady. Túnde +1…+3, kúndiz +6…+8 gradýs jyly, soltústik-batystan soǵatyn jeldiń jyldamdyǵy 5–10 m/s bolady. Almatyda da jaýyn-shashyn kútilmeidi: túnde +2…+4, kúndiz +14…+16 gradýs jyly. Shymkentte aýa temperatýrasy túnde +6…+8, kúndiz +20…+22 gradýsqa jetedi.
Elimizdiń soltústigi men ońtústik-shyǵysynda jel kúsheiip, kei óńirlerde túnde jáne tańerteń tuman túsedi. Almaty, Jetisý jáne Qyzylorda oblystarynyń jekelegen aýdandarynda túngi temperatýra −1…−8 gradýsqa deiin tómendep, úsik júrýi yqtimal.
Birqatar óńirde qurǵaq aýa raiyna bailanysty órt qaýpi saqtalady. Atyraý, Qyzylorda oblystarynda, sondai-aq Aqtóbe, Mańǵystaý, Ulytaý jáne Jetisý oblystarynyń kei aýdandarynda tótenshe órt qaýpi boljanǵan. Batys Qazaqstan, Qaraǵandy, Jambyl, Qostanai, Almaty jáne Túrkistan oblystarynyń jekelegen aýmaqtarynda da órt qaýpi joǵary bolady.
