Tashkentte ótken halyqaralyq fýtbol týrnirine qatysqan qaraǵandylyq balalardyń birqatary aýrýhanaǵa jatqyzyldy. Qonaqúide tamaqtanǵannan keiin 16 jas fýtbolshy, bir jattyqtyrýshy jáne 11 ata-ana statsionarlyq em qabyldap jatyr. Oqiǵaǵa qatysty Qaraǵandy oblysynyń Dene shynyqtyrý jáne sport basqarmasy túsinikteme berdi, dep habarlaidy ult.kz.
Vedomstvonyń baspasóz qyzmetiniń málimetinshe, 2026 jylǵy 28 qazan men 2 qarasha aralyǵynda Ózbekstan astanasy Tashkentte «Dostik Cup» halyqaralyq fýtbol týrniri ótken. Jarysqa Ózbekstan, Qyrǵyzstan jáne Qazaqstan komandalary qatysqan.
Týrnirde Qaraǵandy oblysynyń atynan úsh jas sanatyndaǵy (2014, 2018 jáne 2019 jyly týǵan) balalar baq synaǵan. Óńir namysyn «Jas Batir», «Nomad Akademiya» jáne «Skaut» jekemenshik fýtbol mektepteriniń tárbielenýshileri qorǵaǵan.
Jarysqa Qaraǵandydan barlyǵy 60 bala, 32 ata-ana jáne tórt jattyqtyrýshy barǵan. Issaparǵa bailanysty barlyq shyǵyn qatysýshylardyń jeke qarajaty esebinen ótelgen.
Basqarmanyń habarlaýynsha, qazirgi ýaqytta 16 bala, bir jattyqtyrýshy jáne 11 ata-ana Tashkent qalasyndaǵy №5 qalalyq juqpaly aýrýlar aýrýhanasyna jatqyzylyp, statsionarlyq em qabyldap jatyr.
Vedomstvo ókilderi zardap shekkenderdiń Tashkenttegi qonaqúide turyp, sol jerden tamaqtanǵanyn naqtylady.
