AQSh-tyń Florida shtatynda Learjet 60 biznes-ushaǵy apatqa ushyrap, borttaǵy toǵyz adamnyń barlyǵy qaza tapty. Qaiǵyly oqiǵa 1 qarashada Palm-Bich okrýginde, Grinekrs qalasynyń mańynda bolǵan, dep habarlaidy ult.kz.
Ushaq Tehas shtatyndaǵy Ostin qalasynan ushyp shyǵyp, Bagam araldaryndaǵy Nort-Eliýtera áýejaiyna baǵyt alǵan. Alaida ol turǵyndar turatyn aýdanǵa qulap, órtenip ketken. Apat bolǵan jerde úlken shuńqyr paida bolǵan. Ushaqtyń qulaǵan sáti mańaidan ótip bara jatqan kólikterdiń beinetirkegishterine túsip qalǵan.
Reuters jáne Associated Press agenttikteriniń habarlaýynsha, apatqa deiin ushqyshtar dispetcherlerge ushaqtyń muz basýy men qatty týrbýlenttilik týraly eskertken. Keiin ekipaj Mayday dabylyn berip, áýe kemesiniń kúrt tómendep bara jatqanyn habarlaǵan.
Qazir apattyń mán-jaiyn AQSh-tyń Ulttyq kólik qaýipsizdigi keńesi Federaldy aviatsiia basqarmasynyń qoldaýymen tergep jatyr.
Ázirge ushaqtyń qulaýyna ne sebep bolǵany anyqtalǵan joq. Qaza tapqandardyń aty-jóni men bortta kimder bolǵany týraly aqparat jariialanbaǵan.
