اقش-تىڭ فلوريدا شتاتىندا Learjet 60 بيزنەس-ۇشاعى اپاتقا ۇشىراپ, بورتتاعى توعىز ادامنىڭ بارلىعى قازا تاپتى. قايعىلى وقيعا 1 قاراشادا پالم-بيچ وكرۋگٸندە, گرينەكرس قالاسىنىڭ ماڭىندا بولعان, دەپ حابارلايدى ult.kz.
ۇشاق تەحاس شتاتىنداعى وستين قالاسىنان ۇشىپ شىعىپ, باگام ارالدارىنداعى نورت-ەليۋتەرا ەۋەجايىنا باعىت العان. الايدا ول تۇرعىندار تۇراتىن اۋدانعا قۇلاپ, ٶرتەنٸپ كەتكەن. اپات بولعان جەردە ٷلكەن شۇڭقىر پايدا بولعان. ۇشاقتىڭ قۇلاعان سەتٸ ماڭايدان ٶتٸپ بارا جاتقان كٶلٸكتەردٸڭ بەينەتٸركەگٸشتەرٸنە تٷسٸپ قالعان.
Reuters جەنە Associated Press اگەنتتٸكتەرٸنٸڭ حابارلاۋىنشا, اپاتقا دەيٸن ۇشقىشتار ديسپەتچەرلەرگە ۇشاقتىڭ مۇز باسۋى مەن قاتتى تۋربۋلەنتتٸلٸك تۋرالى ەسكەرتكەن. كەيٸن ەكيپاج Mayday دابىلىن بەرٸپ, ەۋە كەمەسٸنٸڭ كٷرت تٶمەندەپ بارا جاتقانىن حابارلاعان.
قازٸر اپاتتىڭ مەن-جايىن اقش-تىڭ ۇلتتىق كٶلٸك قاۋٸپسٸزدٸگٸ كەڭەسٸ فەدەرالدى اۆياتسييا باسقارماسىنىڭ قولداۋىمەن تەرگەپ جاتىر.
ەزٸرگە ۇشاقتىڭ قۇلاۋىنا نە سەبەپ بولعانى انىقتالعان جوق. قازا تاپقانداردىڭ اتى-جٶنٸ مەن بورتتا كٸمدەر بولعانى تۋرالى اقپارات جارييالانباعان.
