يسپانييا ٷكٸمەتٸ ۋردا قالاسى ماڭىندا بولعان تەمٸرجول اپاتىنان زارداپ شەككەندەر مەن قازا تاپقانداردىڭ تۋىستارىنا قارجىلاي كٶمەك كٶرسەتۋدٸ جوسپارلاپ وتىر. قازٸر اپاتتان كٶز جۇمعان 69 ادامنىڭ 56-سىنىڭ جەكە باسى انىقتالدى, دەپ حابارلايدى ult.kz.
جەرگٸلٸكتٸ باق مەلٸمەتٸنشە, 3 قاراشادا يسپانييا ٷكٸمەتٸ اپاتتان زارداپ شەككەندەرگە ٶتەماقى تٶلەۋ تۋرالى كورولدٸك دەكرەتتٸ بەكٸتۋدٸ كٶزدەپ وتىر.
كٶلٸك مينيسترٸ وسكار پۋەنتە سول كٷنٸ اپاتتىڭ مەن-جايى تۋرالى بايانداما جاساپ, باسپاسٶز مەسليحاتىندا جوسپارلانعان شارالاردى تٷسٸندٸرەدٸ. سونداي-اق ول ٶز باستاماسىمەن كونگرەسس كوميسسيياسىنىڭ وتىرىسىندا سٶز سٶيلەپ, دەپۋتاتتارعا اقپارات بەرەدٸ.
ٷكٸمەت ٶتەماقى مٶلشەرٸن بەلگٸلەۋ كەزٸندە بيىل 18 قاڭتاردا ادامۋس قالاسىندا بولعان پويىز اپاتىنان كەيٸنگٸ تەجٸريبەنٸ نەگٸزگە الماق. ول كەزدە قازا تاپقان ەر ادام ٷشٸن جالپى سوماسى 216 مىڭ ەۋرو ٶتەماقى بەلگٸلەنگەن. ونىڭ 72 مىڭ ەۋروسى تٸكەلەي تٶلەم رەتٸندە, قالعان بٶلٸگٸ ساقتاندىرۋ ٶتەماقىسى ەسەبٸنەن بەرٸلگەن.
ال جاراقات العاندارعا العان جاراقاتىنىڭ اۋىرلىعىنا قاراي 2 400 ەۋرودان 84 مىڭ ەۋرودان استام قارجى تٶلەنگەن. تٶلەمدەر بٸر رەتتٸك نەگٸزدە بەرٸلٸپ, سالىقتان بوساتىلعان. الايدا ۋرداداعى اپاتتان زارداپ شەككەندەرگە تٶلەنەتٸن ناقتى ٶتەماقى مٶلشەرٸ ەزٸرگە جارييالانعان جوق.
اۋرۋحانالاردا 40-تان استام ادام جاتىر
مادريد اۆتونومييالىق قاۋىمداستىعىنىڭ اۋرۋحانالارىندا اپاتتان زارداپ شەككەن 10 ادام ەم قابىلداپ جاتىر. ولاردىڭ ٷشەۋٸ جانساقتاۋ بٶلٸمٸندە. اپاتتان بەرٸ مادريد مەديتسينا قىزمەتكەرلەرٸ 122 ادامعا كٶمەك كٶرسەتكەن.
كاستيلييا-لا-مانچا ايماعىنداعى اۋرۋحانالاردا تاعى 31 ادام جاتىر. ولاردىڭ 13-ٸ جانساقتاۋ بٶلٸمٸندە. العاشىندا اۋرۋحاناعا تٷسكەن 110 ادامنىڭ 79-ى ەمدەلٸپ, ٷيلەرٸنە شىعارىلعان.
قازٸر اپات بولعان جەردە بيولوگييالىق قالدىقتاردى ٸزدەۋ جۇمىستارى جالعاسىپ جاتىر. ازاماتتىق گۆاردييا اۋماقتى دروندار, اتتى پاترۋلدەر جەنە باقىلاۋ بەكەتتەرٸ ارقىلى كٷزەتۋدٸ كٷشەيتكەن. مادريد – سەۆيليا جوعارى جىلدامدىقتى تەمٸرجول جەلٸسٸنٸڭ ەكٸ باعىتتاعى ەكٸ شاقىرىمدىق بٶلٸگٸ قورشاۋعا الىنعان. ول جەرگە تەك قاۋٸپسٸزدٸك قىزمەتكەرلەرٸ مەن سوتتىڭ ارنايى رۇقساتى بار ماماندار عانا كٸرە الادى.
ەسكە سالايىق, قايعىلى وقيعا 28 قازاندا جەرگٸلٸكتٸ ۋاقىت بويىنشا ساعات 08:54 شاماسىندا مادريدتەن وڭتٷستٸككە قاراي 130 شاقىرىم جەردە بولعان. اپاتقا Renfe كومپانيياسىنىڭ AVE پويىزى مەن جەكە Iryo وپەراتورىنىڭ قۇرامى قاتىسقان. ەكٸ پويىز دا مادريد – سەۆيليا باعىتىمەن جٷرگەن.
الدىن الا مەلٸمەت بويىنشا, Renfe پويىزى الدىندا توقتاپ تۇرعان نەمەسە جىلدامدىعىن تٶمەندەتكەن Iryo قۇرامىنا ارت جاعىنان سوعىلعان. اپات سالدارىنان 69 ادام قازا تاۋىپ, 110 ادام جاراقات العان.
29 قازاندا يسپانييادا قازا تاپقانداردى ەسكە الۋعا بايلانىستى ٷش كٷندٸك ازا تۇتۋ جارييالاندى.
بۇل – 1970 جىلداردان بەرٸ يسپانييادا بولعان ەڭ ٸرٸ ٷش تەمٸرجول اپاتىنىڭ بٸرٸ. سونداي-اق 2026 جىلعى ەلدەگٸ ەكٸنشٸ ٸرٸ تەمٸرجول اپاتى سانالادى. قاڭتاردا ادامۋس ماڭىندا پويىزداردىڭ سوقتىعىسۋىنان 46 ادام قازا تاپقان ەدٸ.
قازٸرگٸ ۋاقىتتا تەرگەۋ جالعاسىپ جاتىر. تەرگەۋشٸلەر پويىزداردىڭ سوقتىعىسۋىنا اۆتوماتتى قاۋٸپسٸزدٸك جٷيەسٸ LZB-دەگٸ اقاۋ سەبەپ بولۋى مٷمكٸن دەگەن نۇسقانى دا قاراستىرىپ جاتىر.
